SHC budget a beitham hle
Budget piahlam dap a ngai
– Dr R Lalthangliana
Sinlung Hills Council tan state sawrkar budget dah a baitham hle a, budget piahlamah project dap a ngai dawn tih MNF hruaitu Dr R Lalthangliana chuan a sawi.
MNF senior vice president Dr R Lalthangliana hian MINECO-a Sinlung Hills Council (SHC) office chu Nilaini khan tlawhin, executive member-te nen an inkawm a. Tun SHC inthlanah an party atangin bial thenkhatah official candidate an din thuah chungin, ZPM sawrkar hlim vanglai takah hnehna sang tak an chang chu lawmawm a tih thu a sawi a. Din thuahtu awm lo se ZPM an tlin ve mumal a ring lo tih a sawi.
Tun Budget Session-a SHC tana dah cheng nuai 701.34 chu a beitham hle a, budget piahlam thil sawihoa hma lak a tul tih a sawi. “Budget-ah civil works atan cheng nuai 150 an dah hi bial 12-a hnathawhna tur chuan a tlem hle. District Council-ah pawh hnathawhna tur sum a tlem thin hle. Hei hi ngaihtuahna sen lai ngai chu a ni,” a ti.
Mizoram sawrkara budget awmsa chu a hun leh hma chu tihpun dan a awm tawh lo a. Nakkum budget tur pawh an sual vang niloin a pun tam vak a ring lo tih Dr R Lalthangliana hian a sawi. “A chhan chu, anmahni tawngkam avangin central lamah an tlatlum si loa, ZPM sawrkar hian chet ngaihna an hre vak loang,” a ti.
Hmasawn tur chuan SHC member-ten an bial chhung theuhah thil pawimawh tih tur bik en thiam a, detailed project report siam thiam leh bawhzui thiam a pawimawh tih a sawi bawk.
MNF senior vice president hi SHC chief executive member Ricky Lalremsanga leh SHC executive member-ten an lo dawngsawng a ni.
SHC budget a beitham hle Budget piahlam dap a ngai – Dr R Lalthangliana
