Daily Newspaper

Shelton leh Stefani ‘Happy Anywhere’

8

Blake Shelton, kum 50, leh Gwen Stafani, kum 44, te chuan an hla thar ‘Happy Anywhere’ an tichhuak a, he hlaah hian Shelton chuan Stefani bulah chuan khawiah pawh hlim taka a awm zel theih thu a puang a ni ber mai. Khawi hmun pawh an pahnih chuan hmun nuam a chang zel tih chu a hla thu ken laimu a ni.

He hla hi a music video pawh an tichhuak nghal a, Oaklahoma leh California-a an in te pawh a lang a, hripui leng avanga ina kan tawm thup ang thoin anni pahnih pawh hi an tawm ve hle a nih hmel khawp mai.

Shelton chuan thuchhuah siamin, “Gwen nena kan hla thar pakhat a chhuahna a la rei lo hle nain, kumin chu kan boruakin a zir bawk a, hetiang aia ‘Happy Anywhere’ tihna hun tha dang a awm chuang lo. Quarantine leh lockdown vek kan ni a, hetiang hunah hian kan hmangaih leh an bula awm nuam kan tih tak te nena hun hmang theuh turah beisei ila. Chutiang chu Gwen nen tun nipui chhunga kan thil tawn chu a ni a, a ni kumtluan dawn a nih hi,” a ti.

Shelton leh Gwen te hian ‘Nobody But You’ hla pawh an lo sa dun tawh a, he hla hi nikuma Shelton-a album ‘Fully Loaded: Goad’s Country’-ah telhin, Billboard Hot 100 (singles) chart-ah pawh No.18 a kai pha a ni, Digital Song Sales chart-ah No.1 a kai nghe nghe a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy