Daily Newspaper

Shiv Sena ten BJP te natakin sawisel zui zel

6

Sorkar laipuiin Parliament Thlasik |hutkhawm nei lo tura thutlukna a siam chu sawiselin Shiv Sena te chuan Union government chuan loneitute lungawilohna, India ram economic dinhmun chhia leh China nena ramria inngurna chungchanga zawhna chhan an duh loh vang tiin an sawi.

Sena tlangauna chanchinbu Saamana editorial-ah session thulh a nih chhan chu Opposition ten heng issue sawi lanah te hian sorkar zawhna an zawh loh nana ni tiin an ziak a.

“Eng democratic practice nge ni? Democracy nungah chuan Opposition te bench ten an aw an chhuah a ngai. Parliament a democratic tradition hian ram a tichak a. Prime Minster Narendra Modi hian heng tradition te hi a zawm tur a ni,” tiin an ziak a.

Central sorkar chuan tun hnaiah Opposition te hnenah Parliament Thlasik |hutkhawm chu Covid-19 pandemic leng avangin neih a nih loh tur thu leh Budget session erawh January 2021 ah neih a nih tur thu an sawi a ni.

“Covid-19 hian democracy ram lianah inthlan a thulhtir miah lo. Parliament thlasik |hutkhawm ni li lek pawh kan phal lo a ni. US chuan inthlan neiin demoratic takin inthlak thlengna an awmtir a. Hei hi super power te democracy chu a ni a, keini chuan democracy supreme temple kan kalh hnan thung,” tiin editorial chuan a tarlang bawk.

Maharashtra sorkarin Thlasik |hutkhawm ni hniha a pawh tawi vanga Maharashtra BJP unit tena sorkar an sawisel chungchangah BJP tena democracy an ngaihdan hi chu ‘an remchan danin an thlak mai’ an ti bawk.

Union Parliamentary Affairs Minister Pralhad Joshi chuan Thlasik |hutkhawm neih loh chungchangah opposition te ngaihdan lain an sawikhawm hnuah thutlukna an siam tia a sawi chu khawiah nge sawihona an neih le? tiin zawhna an siam bawk.

“Prime Minister Modi leh a thawhpuite hian mipuite Covid-19 do turin an ngen a, mahse, an tih ve tur a thlen chuan an ngawi leh thung,” tiin an puh bawk a.

“Covid-19 vanga Parliamernt session neih thulh chu ‘a der’ mai a ni. Modi ngei pawhin tun hnaia Bihar Assembly poll-ah campaign-in rally a nei a lawm,” an ti bawk. Hei mai bakah hian BJP President J.P. Nadda an nakuma inthlang tur West Bengal a tlawha a campaign te pawh an sawi bawk.

“BJP te hian Maharashtra ah pandemic avanga Temple khar hawn duhin kawtthlerah an pungkhawm a. Mahse, anni chuan democracy supreme temple hawn chu an duh leh thak lo,” tiin Shiv Sena te chuan an sawi bawk a. Mitin te hnathawkin an kal a, mahse, ram enkawltu ber ten Covid-19 hlauin Parliament an ‘kalh khum’ an ti bawk a.

“He rule hian engatinge parliament session chauh a huam le? Ramri a sipai dah te pawh huam se la, Covid-19 vangin lo haw mai se la,” tiin an ziak bawk.

Editorial chuan Covid-19 avangin Lok Sabha khar a nih chuan enga ti nge parliament building sak mek a nih si? an ti bawk a. “Sansad Bhavan thar sak nan Rs 900 crore hman a ni dawn a, pawn atanga kalh tur em ni?” tiin zawhna an siam bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy