Daily Newspaper

Shiv Sena ten Mamata hmalakna sawisel

16

West Bengal Chief Minister Mamata Banerjee in Congress sawisela United Progressive Alliance (UPA) a awm tawh lo a tia Mumbai a tlawhnaah a sawi hnuah Shiv Sena te chuan Congress hlamchhiaha national politics khelh chu fascist power tihchakna mai mai zawk tur an ti.

“Mamata in Mumbai-ah political meeting a nei a. A politics hi pro-Congress a ni lo va. beng-ah Congress, Left leh BJP te a namthlu a. Chutichung chuan, national politics a Congress tel lova chetlak tum chu fascist power tihchakna mai mai zawk a ni” tiin an party chanchinbu Saamna editorial chuan a ziak lang.

BJP leh prime Minister Narendra Modi duh ber leh ngaih pawimawh ber chu Congress te che thei lova siam a ni, tiin a ziak lang bawk.

“Modi-a beitu ten Modi duh ang tho an duh ve chu a hlauhawm mai thei. Congress-te tun hnai kum 10 chhunga an tlakhniam dan chu a nasa hle a. mahse, Congress-te tho leh tur danchah tuma an hmun ruak luah tum vek chu a hlauhawm mai thei” tiin editorial chuana ziak bawk.

Congress tena Lok Sabha a seat 100 an lak chhung chuan national level-ah engmah thlak danglam a ni lovang a ti bawk.

“Mamata Banerjee in UPA chungchang a sawi kha million dollar zawhna a ni. Mahse, NDA pawh a awm tawh chuang hleinem. Modi party in NDA a mamawh lo, Opposition te erawhin UPA an mamawh thung. UPA el tur pawl dang din chu BJP tihchakna tur a ni” tiin editorial chuan a ziak bawk.

UPA leadership fak bawkin Rahul gandhi leh Priyanka Gandhi te hnathawh chu Opposition hnathawh tur dik tak a ti a. “UPA leadership chungchang chu nakina la chinfel chi a ni a, duhthlan tur neih phawt chu tihhmasak tur a ni” tiin a ziak bawk.

Banerjee hian Mumbai a tlawhnaah Sena hotu Aaditya Thackeray leh Sanjay Raut-te a hmu a, Chief Minister Uddhav Thackeray erawh a hriselna a that loh avangin a hmu thei lo tung.

Editorial chuan Congress hotu lawk titau G-23 te pawh sawiselin an lungawi lohna lantir chuan Congress a siamtha hauh lo a ti bawk a. “G-23 a tel mi tinte hi Congress avanga thiltihtheihna nei thin an ni. Party dinhmun titha turin eng nge an tih? BJP tena kum 2024 inthlana Congress te che tha lo se an duhna nena inzawm riau a ni em?” tiin zawhna a siam bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy