Daily Newspaper

Shopping mall, restaurant leh hotel zawm tur

15

Lockdown inkaihhruaina hnuhnung ber hnuaiah chuan, shopping mall/complex, restaurant leh hotel te chu luhna (entrance) ah kut silna emaw hand sanitizer leh khawsik enna (thermal scanner) dah ngei turin a phut a. Shopping mall/ complex leh hotel chhunga games khelhna, naupang infiamna hmun leh cinema hall te chu khar rih tur a ni.

Hei bakah hian, Covid19 laka himna tura inzirtirna lamhawi poster-te langsar taka tarlan tur a ni a. A theih chin chinah dawrtu te, hnathawktu te leh bungraw lak/ pekna tur atan a hranpaa luhna leh chhuahna siam tur a ni. Boruak luhna leh chhuahna (cross ventilation) thahnem tawk tak hawn tur a ni a, hmun khata mipui pun khawm khap tlat tur a ni.

Mipui tlawhpawh ngun deuhah te chuan kuta khawih ngun deuh (kawngkhar pawhna, elevator hmehna, vawnbän, thutthleng sei, intihfaina hmuna vawnfung, adt.) chu tih fai bakah uluk taka 1% sodium hypochlorite hmanga tihthianghlim thin tur a ni a.

Restaurant leh shopping mall/ complex chhunga thil eina hmunah social distancing a awm theih nan eina dawhkan te chu feet 6 tala inhlata rem tur a ni. |hutna awm zat chanve (50%) bak vawikhatah chawlh luh phal loh tur a ni a. Social distancing a awm theih nan, a theih chin chinah ei tur chah leh ei man inpekte chu online/ digital mode hmanga tih tur a ni. Atheih chin chinah takeaway/home delivery uar tur a ni. eitur/bungraw hlantu/kengtu chuan a leitu/ chahtu kutah a hlan tur a ni lo va, a leitu/chahtu te kawngka bulah a dah mai tur a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy