February 14 hian sawrkar laipuia Union Minister of State, Health & Family Welfare Prof. SP Singh Baghel chu Mizoramah a rawn kal dawn a. Siaha a tlawh dawn avangin inbuatsaihna lam hi Nilaini khan addl. DC Lalnunmawii hoin an thukhawm.
Union minister of state hian Siaha-ah sawrkar official-te a thutkhawm pui anga, tlai lamah BJP hruaitute bakah ECM hruaitute a kawm hnu ah Maraland Gospel Centenary Hospital a tlawh ang.
February 15 chawhmaah District Hospital, Health & Wellness Centre leh Sub-Centre bakah Govt Siaha College a tlawh anga, chawhnu ah Mara Thyutlia Py (Thalai Pawl), Mara Chanô Py (Hmeichhe Pawl) leh Mara Students’ Organisation hruaitute a kawm ang.
February 16 zingah Grace Children’s Home College Vaih tlawhin, Delhi lama haw turin Lengpui a pan zui dawn a ni.
Siaha-ah Union MoS kal dawn
