Member of Parliament (MP) inthlanpui lo awm tura hman tur Electronic Voting Machine (EVM) hman dan a taka mipui ten an lo hmuha an tihchhin theihna tura Siaha District chhung fang kual tura ruahman, EVM Mobile Demonstration Van chu nimin khan Lalhmunsanga Hnamte, District Election Officer (DEO) chuan a vailiam.
Lalhmunsanga Hnamte chuan mipui ten vote thlak nana an hman thin EVM nihphung leh a khawl awmdan chiang zawka an hriat chu thil pawimawh tak a nih thu a sawi a. EVM demonstration Van-in a tum ber chu inthlan nia vote thlak chungchangah mipuite an buai lohna tura inhrilhhriatna atan leh vote thlak dan lo inzir chhinna atana ruahman a ni tih a sawi a. Mipuite chu ngaipawimawh hram hram turin a chah bawk.
EVM demonstration Van vailiam tak hian Thiahra Polling station a tlawh hmasa ber dawn a, MP inthlanpui neih hun tur puanfel a nih hmain Siaha District chhunga polling station zawng zawngte a thlawh chhuak dawn a ni.
Siaha DEO-in EVM Demontration Van vailiam
