Tunhnaia khawvel hmun thenkhata natna hri leng mek – Monkey Pox natna nei nia hriat chu Siaha district-ah hmuhchhuah nia sawi a awm a. Hei hi thudik lo a ni tih Health department chuan an sawi.
Siaha district senior chief medical officer Dr Lalnunziri chuan an district chhunga Monkey Pox natna a awm tih thuthang diklo chungchangah mipui hriat tur a tichhuak a. New Siaha West-II ami naupang, tuna Zoram Medical College-a enkawl mek natna chungchang thu ah social media thenkhatah “Monkey Pox hi Siaha naupangin a kai tlat mai, i fimkhur ang u” tia thuthang a awm a. Health & Family Welfare department Siaha District chuan he thu diklo leng hi a ngai thutak hle a. Siaha district chhungah Monkey Pox natna a la awm lo tih a sawi a ni.
He naupang hi LCMC Lawngtlaiah kumin August 13 khan admit a ni a, August 20 khan damdawi in atang hian chhuah tir a ni tawh tih a sawi bawk.
Siahaah MPox leng lo
