Daily Newspaper

Siami hoin Indian Women’s Hockey team thlawkchhuak

12

Pathianni khan Kolasib nula Lalremsiami telna Indian Women’s Hockey Team chuan Argentina tour bultan turin India an chhuahsan a, New Delhi khawpuia Indira Gandhi Inter-national Airport atangin South America an pan a, hei hi kumkhat dawn hnua India hmeichhe hockey team-in tour an kalpui leh vawikhatna tur a ni nghe nghe.

Hockey India chuan he tour atan hian Indian Wo-men’s Hockey squad-ah member 25 a thlangchhuak a; Indian team hian January ni 17 leh 19 khian Argentina (Junior Women) an khel ang a, January ni 22 leh 24-ah Argentina B team tum lehin, January ni 26, 28, 30 leh 31-ah Argentina tak tak (Argentine Women’s Team) an infiampui leh dawn a ni.

Hockey India leh an mikhualna ram national association chuan Argentina rama Argentine Women’s Team leh Indian Women’s Team himna atan ruahmanna fel tak an siam a, India nulate chu an thlenna hotel-ah team meeting, chaweina, session leh thildang dang atan room/hall hran theuh pek an ni dawn.

Indian Women’s Hockey team captain Rani chuan hripui avanga an beh tlawk tlawk hnua tour an kalpui leh thei tur chu mak a tih hial zawk thu sawichhuakin, thla engemawzat liamta chhung khan team pumpui an thawkrim tih a sawi a, international match an khel leh thei tur chu an phur hle tih a tarlang tel.

Vice captain leh goalkeeper ni bawk Savita pawhin Argentina an pan theihna kawnga ruahmanna siamtu Hockey India leh SAI chungah lawmthu a sawi ve bawk.

Indian contingent hi New Delhi an chhuahsan hma darkar 72 chhungin Covid-19 RT-PCR Test neihpui an nih avangin Argentina-ah hian ‘quarantine’ an ngai lo hlauh a, mahse, India leh Argentina sawrkar lamin inkaihhruaina dan an siamte chu felfai taka an zawm zel a ngai dawn thung.

Indian Women’s Hockey squad

Rani (Captain), Savita (Vice-Captain), Rajani Etimarpu, Bichu Devi Kharibam, Gurjit Kaur, Deep Grace Ekka, Rashmita Minz, Manpreet Kaur, Reena Khokhar, Salima Tete, Nisha, Sushila Chanu Pukhrambam, Lilima Minz, Neha Goyal, Namita Toppo, Monika, Nikki Pradhan, Vandana Katariya, Navneet Kaur, Navjot Kaur, Jyoti, Udita, Rajwinder Kaur, Lalremsiami, Sharmila Devi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy