Silsury khua tan ambulance pe
Mamit Aspirational District, India leh Bangladesh ramri depa awm Silsury khua tana hman tur, NBCC (India) Ltd. in corporate social responsibility fund kaltlanga ambulance a leisak chu Lok Bhavan Aizawl atangin Zirtawpni khan larsap Gen. Vijay Kumar Singh (Retd) chuan a vailiam.
Larsap chuan rualkhai taka hmasawnna kalpui turin ram dang leh state thenawm nena inrinaah hmasawnna ruhrel siam ngaihpawimawh a tul tih a sawi a. Heng hmun hi ngaihven zual loh chuan mipui bawkin an tuar thin tih a sawi a ni.
Sawrkar laipuiin district hnufual ‘Aspirational District’ a ngaipawimawh tih sawiin, NBCC chu ramria hmasawnna ruhrel thawk nasa an nih avangin, ramri depa chengte mamawh leh hmasawnna tur ngaipawimawh zel turin a chah.
Dampa bialtu MLA Dr R Lalthangliana leh NBCC North East Region hotulu Gyanaranjan Samal te pawhin thu an sawi a ni.
NBCC (India) Ltd. hian India leh Bangladesh ramri hung hna thawkin, thawh tur bituk an pek km. 189 atangin km,98 an zo fel tawh a, hmabak dang awm chu Lawngtlai district-ah an thawk mek. Tunhnai khan Mamit district Dampa Tiger Reserve Forest area-a ramri hung hna an zawhfel tawh km.55 a thui leh Border Outpost (BOP) 5 chu a enkawl tur hnenah an hlan tawh a ni.
Silsury khua tan ambulance pe
