Veteran actor Simi Garewal chuan Bollywood chhunga chhungkhat laina leh thiante induhsak bikna avanga midang tihchhiat te chu amah pawhin a lo tawn ve tawh a nih leh, Kangana Ranaut anga a huaisen ve loh avangin a ngawi ral ta niin a sawi.
TV host Simi Garewal chuan, “Thawk khat laiin mi thil tithei takin ka career min tihchhiatsak tumin nasa takin a bei tawh a ni,” a ti.
Garewal chuan Kangana chu a huaisen taka Bollywood palian te hming a lam chhuak chu a fak a, Sushant Singh Rajput thihna chungchanga Kangana thusawite avangin a rilru a hrehawm hle niin a sawi bawk.
Simi Garewal chuan Twitter-ah, “#KanganaRanautka chhuang e, kei aia huaisen leh paukhauh zawk a ni. Ka career tihchhiat vek tumin mi thil tithei tak a che na hle tawh a. Ka ngawi reng. A chhan chu ka huaisen tawk lo,” a ti a, “Kangana leh Arnab te inkawm in en hnuah eng rilru nge in put ka hre lo, kei chu ka depress tak zet a ni. Sushant Singh Rajput thil tawn tur ka ngaihtuahin rilru dang ka pu hleithei lo…Bollywood-a pawnlam mi tam takin an thawh thin hi tihtawp a hun tawh.! George Floyd an thah khan America chu a harh thar a. Hetiang bawk hian Sushant Singh Rajput thihna hi Bollywood kai harhtu ni ve rawh se,” a ti bawk.
