Daily Newspaper

Simona Halep a tla

35

French Open 2020 chu khelh chhunzawm zel a ni a, hmeichhe lamah champion tura rinkai ber Simona Halep chu tleirawl Iga Swiatek hneh lovin a tla a. Dutch fifth seed Kiki Bertens pawh quarter final lut zo lovin a tla ve bawk.

Pathianni tlai khan 2018 champion, 2020-ah champion tura rinkai ber Simona Halep chuan Poland tleirawl iga Swiatek a hmachhawn a, awlsam taka chak thei tura ngaih a nih laiin a che chhe tak zet thung a, harsatna lian tak tawkin minute 68 chhung lekin a tlawm hman a, set hnih chhungin game thum chiah a la thei hram a ni.

Swiatek chian beisei phak bakin bul a tan tha a, set khatnaah Halep hi kawngtin rengah chungtlakin, game khat bak a hloh duh lo. Halep hi set hnihnaah insiamthat tum viau mahse a hlawhtling thei chuang lo. Set khatna aiin a chetha hlek chauh a, game hnih la ve hram in a khingpui lakah hian 1-6, 2-6 tehrengin a tlawm. Romanian Halep hi French Open-ah hian kum 2028 khan a champion a, Grand Slam-a a champion na hmasaber a ni hial. Tun tumah hian champion leh thei se WTA no. 1 a ni zui thei dawn a, tleirawl lakah tlawmin a hun tha a hloh ta zawk a ni.

Halep hnehnah Swiatek hian quarter final-ah khingpui hautak tak a nei dawn a, Kiki Bertens vaw tlatu Martina Trevisan a hmachhawn zui leh a ngai dawn. Hmel hmu nuam, a thothang tha zet Italian qualifier Martina Trevisan hian American tleirawl Coco Gauff a paltlang hram hnuin Dutch fifth seed Kiki Bertens a hmachhawn zui leh a, tha taka inlan zui zelin 6-4 6-4 in hnehna a chang a, quarter final a inhlangkai ta a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy