Daily Newspaper

Simone Biles kutah bronze

6

Vawili ngawt Olympic champion ni tawh American gymnast Simone Biles chu kumin Tokyo Olympic-ah a ropuina belhchhah leh ngei tura ngaih a ni a, mahse, rilru lama harsatna a tawh tak tlat avangin inelna pali atangin a inhnukdawk a, nimin khan women’s beam final-ah a inlan leh ta hram a, pathumna niin bronze medal a lungawipui a ngai.

Competition-a Biles kirlehna Tokyo 2020 gymnastics inelna pakhat women’s beam final-ah Chinese tleirawl kum 16 mi Guan Chenchen chuan gold a awrh.

Karliamta Thawhlehni khan vault-a a chet that loh hnuah inelna hmun a chhuahsan a, a hnu lawkah Biles hian rilru hriselna lam a dahpawimawh hmasak zawk avangin Olympic inelna kal lai a tawpsan rih thu a puang.

US gymnastics team leh International Olympics Committee hruaitu lawk hrang hrang telin mi hrang hrangin American mihang thutlukna siam an thlawp thu an puang a; hetih lai hian Games kal laiah a inlan leh dawn em tih a chiang lo nghal a, all-around, vault, floor leh uneven bars inelna a hmachhawn loh hnu niminah a inlan leh ta nawlh a, bronze a lungawipui mai a ngai.

China chuan gold bakah silver dawngin, national champion Guan chuan point 14.633 hmuin a chipui Tang Xijing (14.233) a hmakhalh.

Kum 24 mi Biles chuan bronze medal a dawn hnuah a boruak tawn mek sawichhuakin, “Vawiin hian medal ka beisei lo a, inelna hmachhawn tura chhuah hrim hrim kha ka tan tha turah ka ngai a, hun harsa paltlanga ka inlan thei hi ka inchhuang hle a ni,” a ti.

Biles hian belhkhawmin Olympic medal pasarih a la tling chiah a, Shannon Miller nen history-a American gymnast hlawhtlingber an ni dun mek.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy