Sindhu leh Prannoy kal zel
Dubai lama Badmin-ton Asia Championship khelh mekah Ningani khan PV Sindhu leh HS Prannoy chakin, Kidambi Srikanth erawh a kal zel zo ta lo thung.
Two-time Olympic medallist Sindhu hian minute 33 lek chhungin hmeichhe singles round of 16 match pakhata a tumpui Chinese Han Yue lakah 21-12, 21-15 hneh-na a chang a, quarter-final lamah eight seed Sindhu hian second seed An Se Young of Korea a tum zui leh dawn a ni.
Sindhu bakah hian India ace men’s singles shuttler Prannoy pawhin quarter-final lutin, seeded eighth hian darkar khat leh minute hnih chhungin a tumpui Indonesian Chico Aura Dwi Wardoyo lakah 16-21, 21-5, 18-21 hnehna a chang a, Kanta Tsuneyama of Japan nen semi-final luh an inchuh zui leh.
Mipa singles last 16 inkhel dangah Srikanth erawh a talbuai a, fourth seeded Japanese Kodai Naraoka lakah 14-21, 22-20, 9-21-in a tlawm.
Mixed doubles lamah Rohan Kapoor leh N Sikki Reddy thawkdun chuan nuamsain last eight an lut a, fourth seeded Korean pair an inlan loh avangin Indians hi walkover-in an tlang.
Indian pair hian Indonesian pair Dejan Ferdinansyah Gloria leh Emanuelle Widjaja an tum zui leh.
B. Sumeeth Reddy leh Ashwini Ponnappa tangdun erawh mixed doubles-ah an kal zel zo ta lo a, 15-21, 17-21-in an tlawm.
Sixth-seeded Indian pair Sankireddy leh Chirag Shetty inkawp chuan men’s doubles event-ah quarter-final lut thungin, Jin Yong leh Na Sung Seung tangdun lakah 21-13, 21-11 hnehna an sualchhuak a, third-seeded Indonesian pair Mohammad Ahsan leh Hendra Setiawan lakah fiahna hraw zawk an hmachhawn.
Sindhu leh Prannoy kal zel
![](https://theaizawlpost.org/wp-content/uploads/2023/04/sindh.jpg)