Daily Newspaper

Singapore in nau neite hnenah sumfai pe tawk dawn

28

Singapore chuan a khua leh tuite chu coronavirus pandemic laia nau nei tura ngenin nau nei te hnenah sum a pek tur thu a sawi.

Khua leh tui te chuan sum lama harsatna avang te leh hna chan avang te in fa neih an tikhawtlai nasa hle tih hriat a ni a.

Singapore sorkar chuan nau neite hnenah engzah chiah nge pek a tum a sawi lang rih lo na chungin sorkarin nau neite hnena baby bonus tam tham tak a pek sa belhchhahna tur a ni.

Singapore hi khawvela naupiang tlem berna ram zingah a tel a, kum sawm chuang naupiang puntir tuma a hmalakna a hlawhtling lem lo.

A thenawm ram Indonesia leh Philippines te nen an inang lo hle thung a, heng ram pahnihah te hi chuan coronavirus lockdown avangin rai puar nasa takin an pun phah thung a ni.

“Covid-19 avangin nu leh pa nih tum thenkhat ten an tikhawtlai tih kan rhia a ni,” tiin Singapore’s Deputy Prime Minister Heng Swee Keat chuan a sawi a. Sum tam zawk fa neih tumte hnenah pek an tum thu a sawi a, an sum pek tur zah chu la puan chian tur a nih thu a sawi a.

Singapore hian nau neite hnenah baby bonus system tha tak nei sain Singapore dollar 10,000 (India pawisa in 5,13,100 vel) lai dawn theihna a ni.

Tun hnaiah Asian ram thenkhatah naupiang an tlem riau tawh a. China-ah pawh one-child policy a titawp tawh chungin kum 70 chhunga naupiang tlem ber an tawng tawh a ni.

Philippines-ah thung chuan Covid-19 avanga khuahkhirhna kumin kum tawp thlenga kalpui a nih chuan naupiang 2.6 million an awm belh dawn niin United Nations Population Fund te chuan an sawi a. “Heti zat hi chu epidemic tho a ni,” tiin Aimee Santos, UK agency, Phillippines chuan a sawi.

South East Asia-ah Philippines hi mipui tamna ber pahnihna niin maktaduai 108.4 an awm mek a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy