Daily Newspaper

Sipai 490 chuang khung hrang mek

9

Mizoramah force mi zingah Covid-19 vanga khung hran ngai an awm thin a, Thawhlehni khan paramilitary force hi mi 498 an inkhung hrang.

Aizawl District-ah sipai khung hran hi an tam ber a, 193 an awm. Kolasib District-ah 160 an awm a, Lunglei District-ah 111 an awm. Serchhip District-ah 34 an awm bawk. District dangah sipai khung hran lai an awm lo.

Mipui lamah chuan khung hran ngai an tlem telh telh a, September ni 15-a khung hrang zat chu 1559 an ni.

Khung hran mek zingah hian sorkar enkawl quarantine centre-a awm chu mi 1179 an ni a, mahni ina inkhung (home quarantine) mek hi mi 132 an ni.

Hotel-ah senso mahnia intumin a awm theih a, Mizoramah mi 31 chu hotel-ah an inkhung mek. Community quarantine facility-ah mi 132 an awm mek a, isolation facility-ah mi 199 an awm mek bawk.

Mizoram pawna tangkhangte hruai haw a ngaih tak loh hnuah khung hran ngai hi a hma angin an tam ta lo a, quarantine facility thenkhat phei chu Covid-19 natna veite enkawl nan Covid Care Centre atana hman tum a ni.

Covid-19 hrilen hnuah Mizoramah mi 22878 khung hran an ni tawh a, an zinga mi 20943 chu an chhuak tawh.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy