Daily Newspaper

Sipai awmna tur siamin Taitesena Group ‘Hnam Hnatlang’

POST NEWS SERVICE

23

Chuhvel ramah July ni 15 khan Taitesena Group YMA te’n ‘Hnam Hnatlang’ an nei a, ram vengtu sipaite awmna tur in an sa.

An group huam chhung atangin Kawrtethawveng, Tuidam, Darlak, Hriphaw, Saikhawthlir, Zamuang leh a ram awmna Chuhvel atangtein an thawkchhuak a ni.

A thar an sak bakah in hlui pahnih an thawm tha bawk; Chuhvel-a Hnangluizau leilet-a in ruak pahnih an thawm tha a ni.

Chuhvel atanga thu dawn danin, leilet-ah hian Mizoram Police te awmna tur in an sa a, leilet atanga km 2 vel, a khaw neitute’n Mizote ram chin an tihah police an duty bawk avangin, chutah chuan in an sa bawk.

In leh inthiarna hmun te, police-te mamawh tur hrang hrang an sa a, police-te pawh hi hnatlangah hian an tel. A hmain Chuhvel khua hian ‘Hnam Hnatlang’ an lo nei tawh bawk.

Nilaini khan Chuhvel-a Mizoram leh Assam te’n ram an inchuhna velah hian Assam Police an rawn lang a, mahse Mizoram Police awmna hmun thleng lovin an kir leh. A hnu-ah Hailakandi SDM leh police officer thenkhat an kal a, Mizoram Police awmna atanga metre 20 velah Kawrthah SDO(Civil) leh SDPO te nen an inbia. Chumi hnuah Ningani tlai lam thleng kha chuan Assam hi an lang zui lo tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy