Daily Newspaper

Sipai bangten Hnehna Ni champha an hmang

11

Kumtina tih thin angin December 16 zing khan Vijay Diwas (Hnehna Ni) champha puala programme buatsaih chu War Memorial, Treasury Square-ah hman a ni a. He hun hi sawrkarin Covid-19 hrileng laka himna tura inkaihruaina a siam zawmin mi tlemte chauhin an hmang thei a ni.

Vijay Diwas hriatreng nan hian sipai bangten War Memorial-ah ram tana nunna hlan tate zahna pangpar an dah a. Hrileng avanga kum dang anga pui deuh zawka hman a remchan loh avangin, mi tlemte – Mizoram Ex-Services League hruaitute, World War-II Veteran Association president, Assam Rifles Ex-Servicemen president leh Sainik Department officer-ten pangpar an dah a ni.

Hnehna Ni hi kumtin December 16-ah India ram pumah hman thin a ni a. India sipaiten Indo-Pakistan War of 1971-ah Pakistan laka hnehna an chan ni leh tunhmaa East Pakistan, tuna Bangladesh ni ta pian chhuah ni hi a ni. He indonaah hian Pakistan sipaite chu tlawmin an awp ram East Pakistan tia hriat chu Bangladesh tia hriatin a lo piang ta a ni.
Hemi tum hian Pakistan sipai lalber (Chief of the Pakistan Forces) General Amir Abdullah Khan Niazi chu a sipai 93000 nen allied forces (India sipai leh Mukti Bahini) General Jagjit Singh Aurora kaihhruaina hnuaiah Ramna Race Course, tuna Suhrawary Udyan, Dhaka-a awm kutah an inpe a. Hemi ni hi Bangladesh chuan Bijoy Dibos tih hming puin an lawm ve bawk thin.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy