Assam Rifles chhuah huna a ram hman zui dan turah sawrkar chuan Laldenga Cultural Centre sak a tum a, he building hi Smart City project hnuaia sak tur niin project cost pawh cheng vbc 193 (cheng nuai 19,300) a ni a, a lungphum pawh kumin April ni 1 khan Union Home Minister Amit Shah chuan a lo phum tawh a.
Hetih lai hian Aizawl Hmathlir Pawl chuan concrete building ang chi din leh tih chereu lam aiin, mipui tana hmun awl zau tak, mi tin tana mamawh ve tho ruahman an duh dante chief minister hnenah tunhnai khan an thlen a. An thu thlen hrang hrang zinga pawimawh deuh mai pakhat chu, chhiatrupna liantham thleng theiah Aizawlin hmun awl lian leh ualau, pankhawm leh insenghawina tur zau tha a neih tawh loh avangin helai hmun hi chutiang atan chuan hauh tam ni se, tih hi a ni.
Khawpui dinhmun hi kan hria a, kawngpui thar siam belh theih a ni tawh lo va, chutih rualin lirthei pung zel bawk nen, khawpui a chep tulh tulh a, traffic jam chuan mipui eizawnna thlengin a nghawng tawh a ni a. Khawpui chhung ril lama punkhawmna thil huaihawt a nih tawh phawt chuan, nilengin khawpui a chawl a ni hawt zel a. Chutih laia khawpui lailia punkhawmna tur lam construction dang dah belh a nih phei chuan, khawpui tihthawl aiin tih tawtna a ni zel dawn tih a chiang reng mai.
Cheng nuai 19,300 zet senga hmasawnna ruhrel ropui tak, ram ro tling tur neih hi a tha em em, neih ngei pawh a tha; amaherawhchu, a awmna (location) zawka erawh hi chu khawpui laili, hmun lun sa ni lovin, khawpui hmawrfem lam deuh, traffic tawt pawhpenna tur hawi zawnga ruahmanna kan neih hi a pawimawh dawn hle niin a lang. Tuna sipai ram hman tangkai dan kan tum dan hi chu, khawpui tawt sa tihtawt zualna tur a ni hrim a. Sipai ram la hek hian kawngpui double lane pawh siam ni mah se, khawpui laili lam pan ngai chi kan dah belh zel chuan, traffic a jam chhah ting mai dawn tihna a ni awm e. Chhiatrupna (lirnghing na tak etc. etc.) a lo thlen thulha han invawmkhawmna hmun awl zau deuh tur ruahman lawk hi chu tihmakmawh niin a lang.
Sipai chhuah hunah chuan ….
