Daily Newspaper

Sipai huaisen leh chak chu ramri-ah : Sachin Pilot

20

Rajasthan Assembly session neihah Deputy Chief Minister atanga paih tawh Sachin Pilot chu Chief Minister Ashok Gehlot bula thu thin chu opposition bench hnaihah thuttir a ni a.

“Eng vangin nge ramri-ah min thuttir le…Enga ti nge opposition bulah min dah? A chhan chu ramri a ni a, ramriah chuan sipai huaisen leh chak ber ber te dah thin an ni,” tiin Pilot chuan a sawi.

Zirtawpni khan tihtauhna thlen hnuah a tum khat nan Gehlot leh Pilot te an inhmu a, inchibaiin an hlim hle a ni. A tlan tauh laiin Chief Minister chuan Pilot hi na taka beiin ‘hmantlakloh’ a ti hial thung.

Mahse, an harsatnate hnuchhawnin Congress MLA te nena inhmuhkhawmna an neihah pawh an thu dun a. Gehlot chuan rebel MLA te hnenah an tel lo chuan chakna a chan dawn loh thu pawh a sawi zui hial bawk.

House-ah Pilot thutna thlak danglam niin Deputy Chief Minister a nih laia a thutna atangin a thuang hnihna veilam berah thuttir a ni a.

Rajasthan Assembly a trust vote neih hmaa debate neihah kum 42-a upa Pilot cuan BJP MLA Rajendra Rathore a thusawi laia inrawlh remtihna pek a ni a.

“Vawiina Vidhan Sabha-a ka lo kal hian eng vanga opposition bench bulah chiah min dah le tiin mak ka ti hle a. Mahse, ka hriatfiah tak chu hei hi ramri a ni a, ramri-ah thawn ka ni tih a ni,” a ti a.

“Thil tam tak sawi a ni ang a. Eng pawh kan sawi leh tih duhah keini chu kan natnate tihdamin a awm tawh a. Delhi-ah doctor kan rawn a, kan lo let leh tawh,” a ti a.

Ral hmatawngah ‘silai’ hmachhawn tura a inpeih thu sawiin, “Kan awmphaw leh raltuamte nen beihna hmachhawn turin kan inring e” tiin a sawi bawk a. A thusawi chu nasa takin Congress ten dawhkan bengin an lawm a ni.

Nimina Rajasthan Assembly a Ashok Gehlot sorkar fiahna neihah Congress party te chuan confidence vote neiin an paltlang a. Darkar thum chuang debate-a sawihona neih a nih hnuah voice vote hmanga fiah a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy