Indian Defence Minister Rajnath Singh-a chuan Zirtawpni khan Visakhapatnam-ah stealth frigate changkang tak, INS Taragiri chu sipaite hman turin a hlan a. He indo lawng hi Indian Navy hnuaia Project 17A hnuaia mi a ni.
Indian Navy hotu, Admiral Dinesh Kumar Tripathi leh Chief of Defence Staff Anil Chauhan te pawh inhlanna hunah hian an tel a, Indian Navy hotu lian dangte pawh an tel.
Taragiri inhlanna hi India chhehvel ramte himna danglam mek zel leh Indo-Pacific-a thuk zawka Delhi a inrawlhna vanga khawchhak tuipui kam pawimawhna a pun zel lai a ni.
Taragiri hlan an ni ta hian Navy-in a lawng rual hmanga indona atana a inpeihna leh ram beihna tura a intihchakna a ngaih pawimawhzia a tar lang bawka ngaih a ni.
Project 17A class-a palina a nih angin Taragiri hi lawng satliah mai a ni lo va, ‘Make in India’ rilru put hmang leh mahni kutkawiha lawng saknaa engineering lama thiamna changkang zawk belhna niin ton 6,670-a rit a ni.
Mazagon Dock Shipbuilders Limited (MDL), Mumbai siam niin lawng thar hi design hmasa laka chhuan thar a ni a, a pianhmang pawh a mawi zawk a. Radar Cross-Section pawh tihtlem a ni a, hei hian lethal stealth hman a nih theihna a ni pakhat a. Ram chhunga siam 75% aia tam a nih avangin lawng hian domestic industrial ecosystem puitlinna tar lanna a ni tel a, Micro, Small & Medium Enterprise (MSME) 200 chuangah a hmanrua hi siam a ni a. Indian sorkarin Aatmanirbharta hmalakna tam tak pho lannaa ngaih a ni.
Combined Diesel or Gas (CODOG) propulsion plant hmanga khalh, Taragiri hi ‘High-Speed – High Endurance’ versatility leh multi-dimensional maritime operations atana duan a ni a. A ralthuam ken hi khawvel huap pawha zahpuiawm loh a ni a, supersonic Surface-to-Surface Missile, medium range Surface-to-Air Missile leh specialized Anti-Submarine Warfare a awm a. Heng system-te hi state-of-the-art Combat Management System hmanga zawm niin thawktute chuan second pawh tling lohvah hlauhawm an chhan theih nan a pui dawn a ni.
Tuipuia hmelma beihna tura tha a nihna piah lamah Taragiri hi mihringte harsatna tawkte tana duan a ni tel a. A mission profile flexible tak avangin high-intensity combat atanga Humanitarian Assistance & Disaster Relief (HADR) thlengin a tha hle bawk.
Sipai kutah indo lawng changkang, Taragiri hlan
