Special Intensive Revision of Electoral Roll 2026 neih mekah mi 46163 chu roll atanga paih theih dinhmunah an ding mek a, heng zinga mi 8000 chuang chu an awmna chin hriat zui theih a ni rih lo. Hetihlai hian Electoral roll-a chuang lo tur dah tel an nih awm an hre lo tih chief electorall officer Mizoram chuan a sawi.
SIR 2026 Enumeration Phase zawhfel a nih hnuah Election Commission of India ruahman lawk angin July 4 khan draft electoral roll tihchhuah a ni a. Chief electoral officer Mizoram Garima Gupta sawi danin, electoral roll hnuhnung ber milin voter-te inziahluhna tur enumeration form 8,75,068 sem chhuah a ni a, booth level officer-ten anmahni bial theuh atanga form an laklet belhkhawm chu 8,28,906 a ni.
Enumeration form lak let theih loh 46163 (5.28%) a awm a. Heng zinga 21295 (2.43%) chu an thi tawh a, awmna chin hriat loh 8333 (0.95%) awmin, hmun danga pem tawh 13978 (1.60%), electoral roll-a thun nawn avanga paih leh 2248 (0.26%) bakah chhan dang vangin 309 (0.04%) an ni a. Chhan dang vanga lak let loh hi sakhaw rinna avanga roll-a inthun duh lo an ni ber.
Assembly constituency malah Aizawl South II (St) chu enumeration form lak let leh loh tamna ber niin, 2351 (8.23%) lak let loh a awm.
SIR 2026 thawh thumna state 16 leh union territory 2-a kal mekah Mizoram chu enumeration form 100% digitization zo hmasa ber niin, June 25 khan zawhfel a ni a. Khawzawl district ami tuichang Assembly constituency chuan June 14 khan digitization zofelin, Assembly constituency leh district level-ah Mizorama enumeration form digitization zo hmasa ber an ni.
SIR 2026 kalpui chhung hian Mizoramah polling station thar 52 siam niin, polling station pakhat paih a ni a, tun dinhmunah Mizoram pumah polling station 1352 a awm a ni. tunah hian Mizoram pumah service voters mipa 4091 leh hmeichhia 94, a vaiin 4185 an awm mek.
Zawhna chhangin CEO Mizoram chuan, SIR 2026 chu dik leh fel takin an kalpui nia an hriat thu a sawi a. Foreigner dah tel an awm a hre lo tih a sawi. Mizo Zirlai Pawl-in 2005 SIR of Electoral Roll leh Mizorama roll revision kalpui hnuhnun ber 2024 ami nena khaikhinin Chakma khua thenkhatah roll-a chuang an pung nasa hle a, zaa za chuangte an awm nia an sawi bakah India leh Bangladesh electoral roll-a chuang kawp an awm nia an sawi avanga uluk zawka enthat an ngenna pawh district election officer-te leh BLO-te nen uluk takin an endik a, hetiang awm hi hmuh a ni lo tih a sawi a ni.
July 4-a draft electoral roll tlangzarh a nih atang hian claims and objection period hawn nghal a ni a, August 4 thleng hawn a ni.
8 Hemi hun chhung hian draft roll-a chuang ve hman lo kum tling thar (01.07.2026-a kum 18 tling) emaw enumeration form thehlut ve hman lo emaw roll-a an hming chuang lo, chuang tura inngai an awm chuan Form-6 hmanga dilna thehluh tur a ni.
8 Electoral roll atanga paih ngai, draft roll-a chuang si an awm chuan delete dilna Form 7-a thehluh theih a ni.
8 Electoral roll-a chuang tawh siamthat (correction) ngai nei tan siamthat dilna Form 8-a thehluh theih a ni.
8 Draft roll chhuah laia vote neihna leh tuna chenna hmun inang lo tan insawn (transfer) Form 8 dil theih a ni.
SIR kalpui mekah roll-a chuang lo tur chuang an awm awm hre lo
