Daily Newspaper

Slim i duh em? Nupui nei rawh!

13

Nupui/pasal nei te chu a nei ve lo te aiin an ‘slim’ duh zawk niin Japanese mithiam ten an sawi a, nupui nei te chuan metabolic syndrome- diabetes, BP sang leh thau uchuakna infawmkhawm avanga thisenzam chhia te an nei lo bik niin an sawi a, mahse, hei hi hmeichhiaah chuan a ni ve kher lo thung.

Yokohama City University-a mithiam leh he zirchianna an hotu Yoshinobu Kondo chuan, “Kan hmuh danin kawppui neih a, kan kawppui te nena kan chenho hian type 2 diabetes nei zingah overweight theihna risk hi 50% in a tihniam. Mipa, nupui neia, an nupuite nena chengho te chuan nupui nei ve lo te aiin metabolic syndrome an neih theihna risk 58%-in a hniam zawk bawk,” a ti.

Zirchianna neitute chuan kawppui nei te chuan a nei ve lo te aiin an ei leh in an uluk zawk a, an damdawi te an ei tha zawk niin an sawi. He zirchianna hi mi 270, type-2 diabetes nei zingah an nei a, an zinga mi 180 chu kawppui nei an ni a, 90 chu kawppui nei lo an ni a, an vaia kum upat zawng chawhrual chu kum 65 a ni.

An body mass index leh an taksaa thau awm tam dan te teh hmasa vek a ni a, chuta tanga an hmuh dan chuan kawppui nei te chu kawppui nei ve lo te aiin overweight theihna risk 50%-in a hniam zawk niin an sawi.

He zirchianna chungchang hi European Association for the Study of Diabetes meeting, Munich, Germany-ah neihah chhawpchhuah a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy