Daily Newspaper

Social media lama inhmangte nen journalism zirho

21

District Information & Public Relations Office Lawngtlai leh MJA Lawngtlai District tangdun buatsaihin Thawhlehni khan ‘Workshop on Journalism and Social Media’ neih a ni a. Lawngtlaia political party hrang hranga media lam khawihtute, NGO leh mimala social media hmanga chanchinthar leh thu pawimawh dang thehdarh thinte leh journalist-te an tel.

Lawngtlai Press Club-a he hun buatsaih hmanpuitu, district bawrhsap Dr Andrew H Vanlaldika chuan journalist-te leh social media lama mi tangkaite chu an sukthlekin mipui a hruai nasat avangin kawng hrang hrangah an pawimawh tih a sawi a. Thu thehdarha fimkhur a ngaih thu sawiin, “Chanchinbu leh social media-a thu thehdarh zingah sawrkarin a bawhzui tur ang chi chu sawrkar pawhin hma a la nghal zel a, thu thehdarh turah thil hriatchian loh leh hriatfiah duh neite tan sawrkar lam chu biakrawn theihin a inhawng zau hle a ni,” a ti.

Lawngtlai District MJA president Lalngheta Ralte chuan journalist leh social media hmanga chanchinthar thehdarhtute inkarah khichat awm lek lek thin chu thil inmanfuh tawk loh vang a ni tih a sawi a. “Chanchinthar thehdarh kawngah social media hmang tangkaitute chu mipuiin an ngaihchan nasat an ni mek a, rintlak mumallo thehdarh thinte chuan mi rin an hlawhzui ngailo angin, journalist zingah pawh hetiang tho hi mipuiten ngaihdan an siamdan a ni,” tiin, thu thehdarh kawngah fimkhur luata dawizep a hlauhthawnawm rualin, fimkhurloh luat vanga dan bawhchhiat pawh a hlauhawmin, mipuite kawng dika hruai turin tan lak a ngai tih a sawi.

Workshop-ah Lawngtlai District Court-a asst public prosecutor Zirthantluangi leh District IPRO C Lalhruaitluanga te resource rerson an ni a, journalism leh social media chungchang leh hemi kaihhnawih dan chungchang paper an buatsaih chu zir leh sawi ho a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy