Daily Newspaper

Sonia-i UPA chief ni chhunzawm dawn

8

Congress Working Committee (CWC) member chuan Nationalist Congress Party NCP chief Sharad Pawar an United Progressive Alliance (UPA) hotu lu ber nihna a chelh dawn tia sawi chu loneitute lungawilohn lantir boruak kara Opposition inlungrualna tihchhiat tuma phiarrukna a nih thu a sawi.

Pawar chu non-Congress party ten NCP chief in tun hnaia Congress chief Rahul Gandhi ‘hruaitu nihnaa zawhna a siam’ hnuah UPA chairperson dinhmun chelh turin an ngen dawn tia sawi thawm a awm a ni.

Hetihlai hian Congress te chuan organisation election an nei dawn a, party president thar thlanna nei turin an inpuahchah mek a ni.

Hei mai bakah hian Congress hruaitu lawk group of 23 Congress leaders (G-23) tih mai te August thlaa party siamthat kalpui tura Sonia Gandhi hnena lehkhathawn tute chuan chetlakna thar an nei tia sawi a ni bawk a.

“Ka hriat chinah chuan Sonia Gandhi-i’n UPA chairperson nihna a la chelh reng ang a, amah thlak tumna a awm lo. Congress chu party lian ber niin Congress president chuan UPA a kaihruai ang,” tiin Tariq Anwar, CWC member chuan a sawi.

Anwar hi NCP dintu zinga tel niin Pawar nena thawkdun hrep tawh niin ‘heng chanchinte hi chu loneitute lungawilohna lantir boruak awm lai meka boruak lakpen tumna a ni’ tiin a sawi.

UPA chairperson nihna Pawar an chelh se tih boruak thehdarh hi opposition member thenkhatte zinga Congress chief-ah Sonia Gandhi thlaktu tur tu nge ni ang tih boruak siam nen inzawmna nei anga ngaih a ni bawk. Congress Central Election Authority (CEA) tena organisational election hun an bituk hunah leh All India Congress Committee (AICC) session neih hunah president a nihna atangin a chawl tawh dawn a ni.

Mahse inthlan chu tun thlaah pawh neih thut mai theih a ni a mahse AICC session erawh nakum January emaw February thla tawp emaw lovah chuan neih hman ngaihna awm lova ngaih a ni thung. Organisation election leh CWC a elected member neih te chu Congress hruaitu lawk party siamthat duhtu tena an ngiat ber te an ni.

“Rahul a in-candidate a nih chuan candidate dang an awm ka ring lo va, an awm a nih chuan boruak a danglam daih ang” tiin G-23 member pakhat chuan a sawi bawk.

G-23 tena an ngiat pakhat bawk chu Congress leader hlui te tuna regional party enkawltute huikhawma huangkhata awmkhawma BJP te beihlet a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy