Daily Newspaper

Sonia-i’n Farm Law hnawl turin dan siam tur ti

8

Congress president Sonia Gandhi chuan Congress rorelna state Punjab, Rajasthan, Chhattisgarh leh Puducherry Chief Minister te chu tun hnaia Parliament-in farm law pathum a passed tak te palzut turin an state theuha dan siam tura hma la turin a ti.

General secretary (organisation) K.C. Venugopal chuan heng State te hian Article 254 (2) of the Constitution hnuaia dan siama ‘Anti-Agriculture’ law hnawlna tur siam turin thuchhuah a siam a, Central law te hian State te ‘Constitution in a pek thuneihna’ a khawih buai a ti a ni.

Article 254 (2) of the Constitution chuan State sorkar chu Concurrent List a awm subject tinah dan siam thei turin thuneihna a pe a ni. Kum 2014 pawh khan Rajasthan a BJP sorkar laiin he kawng hi hmangin central labour law – Factories Act, Industrial Disputes act, Contract Labour Act te hnawlna turin dan a siam a ni.

“He mi hmang hian State te chuan draconian Agricultural laws MSP tihtawpna tur te leh Congress rorelnaa APMC tihbuaina tur anti-farmer provision te hi a hnawl thei ang a. Modi sorkar leh BJP tena loneitute laka dik lo taka an chetlaknaah a chhanhim thei bawk ang,” tiin thuchhuah chuan a tarlang.

Punjab sorkar Chief Minister Captain Amarinder Singh kaihhruai chuan he thil kalpui a nih theih nan hian hma a la mek tawh a. Agriculture Produce Market Committee Act chu siamthata State pum chu principal mandi yard a puan tumin hma a la mek tawh a. Hei hian The Farmers Produce Trade and Commerce (Promotion and Facilitation) Bill, 2020 tun hnaia Parliament a pawm tak chu a hual zim thei dawn a ni. Mandi yards a puan hmangin he mi pawna procurement tih reng reng chu dan kalh a ni ang a, loneitute chuan MSP aia hniam an tharchhuahah an hmu thei dawn lo va, State in mandi fee a tel thung ang.

Chhattisgarh Chief Minister Bhupesh Baghel pawhin tun hnaiah a sorkar chuan agriculture sector a private player an inrawlh loh nan dan hmanga chetlakna an siam tur thu a sawi bawk. Chhattisgarh a paddy tharchhuah 40 per cent chu Central pool atan Food Corporation of India-in an laksak a ni a. Punjab leh Haryana ang lo takin loneitute chuan ram an nei zau thei zawk a, Chhattisgarh a land holding 86% chu 5 acre aia tlem a ni.

Congress te chuan Supreme Court-ah Farmers’ Produce Trade and Commerce (Promotion and Facilitation) Bill, 2020, Farmers (Empowerment and Protection) Agreement on Price Assurance & Farm Services Bill, 2020, Essential Commodities (Amendment) Ordinance, 2020 te chu khin tur leh tur loh an la ngaihtuah mek bawk a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy