Daily Newspaper

Sorkar laipui in e-bus 670 pe chhuak

10

Nimin khan sorkar laipui chuan Maharashtra, Goa, Gujarat leh Chandigarh tan electric bus 670 a pe a, heng bakah hian Madhya Pradesh, Tamil Nadu, Kerala, Gujarat leh Port Blair te tan FAME India Scheme Phase-II hnuaiah charging station 241 a pe bawk.

Union Heavy Industries Minister Prakash Javadekar chuan Centre in fossil fuel a innghahna tihnep tuma a hmalakna lantirna a nih thu sawiin hei bakah hian vehicular emission tihnepna Prime Minister Modi an eco-friendly public transporation hmathlir a neih tihhlawh tlinna kalzel a nih thu a sawi a.

“Bul tanna tha a ni a, heng e-buse, e-rickshaw leh e-scooty te bakah e-car te hi khawpuia hman a nih chuan environment friendly transport hmalam panpui zelna a ni” tiin Javadekar chuan a sawi.

Minister chuan Kollam-ah charging station 25, Thiruvananthapuram ah 27, Malappuram ah 28 pek a nih thu sawi bawkin heng bakah hian Port Blair leh Tiruchirappalli, Tamil Nadu-ah 25 dah a nih tur thu a sawi bawk.

Javadekar chuan charging station dah hi Electric Vehicles tihlar nana infrastructure pawimawh a nih thu a sawi bawk.

“E-bus 450 lai khawpui hrang hrangah an tlan tawh a. Tunah 670 neih belh leh a ni dawn a. Maharashtra in 240, Gujarat in 250, Goa in 100 leh Chandigarh in 80 a nei a. Kerala leh styate dang te pawhin e-charing station hi an nei a, a chhan chu an corporation ten tihtur tul leh ngai an tihfel tawh vang niin e-bus kan pe thuai ang,” tiin Minister chuan a sawi bawk.

Ministry of Heavy Industries and Public Enterprises hnuaia Department of Heavy Industries te chuan Faster Adoption and Manufacturing of (Hybrid &) Electric Vehicles in India (FAME India) Scheme chu kum 2015 April thla atang khan India rama electric leh hybrid vehicles (xEVs) tihlar nan an lo kalpui tawh a ni.

FAME India Scheme hnuaia Phase-II ah hian April 1, 2019 atanga kum thum chhungin Rs 10,000 crore budget neiin hma lak tur a ni.

Phase II bik hian public leh shared transportation te electrification thlurbingin chu chu subsidy te hmanga kalpuiiin e-bus 7,000, e-3 wheeler 5 lakh, e-4 wheeler passenger car 55,000 leh e-2 wheeler 10 lakh a pe chhuak dawn a ni.

Phase I kha March 31, 2019 thleng niin hybrid leh electric vehicles 2,80,987 te chu demand incentive a pechhuakin Rs 359 crore vel sen a ni.

Hei bakah hian department chuan electric leh hybrid bus 425 vel khawpui hrang hranga hman turin Rs 280 crore sengin a pechhuak bawk a. Rs 43 crore sengin Bengaluru, Chandigarh, Jaipur leh NCR of Delhi ah te charging station 520 siamna tur a pe chhuak bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy