Sorkar sikula dah vangin lawmthu sawi

Ad hoc Aided School hrang hrangte intelkhawmna MIGASTU chuan Mizoram sorkarin sorkar sikula a hlankai avangin lawmthu an sawi.
“Mizoram sorkar, Hon’ble Chief Minister Pu Zoramthanga kaihhruai chuan vawiin Cabinet Meeting-ah keini Ad hoc Aided School te Sawrkar School (Provincialised Status)-ah min hlangkai ta hi kan va lawm tehlul em! Pathian leh kan sorkar chungah kan lawm tak zet a ni. Kum 20 zet Aided school ni chunga khawtlang tana kan thiamna zawng zawng leh kan \hatlai hun zawng zawng kan hmanral tawh hnua kan dinhmun leh khawtlang dinhmunte min thlirsak chunga min upgrade ta hi kan va lawm tak em!” tiin September ni 27 khan thuchhuah an siam.
“He dinhmun duhawm taka kan din theihna tura chak taka hma min laksak \hintu kan Hon’ble Education Minister zahawm tak, a ngaihna hria, Pu Lalchhandama Ralte chungah lawmthu kan sawi mawlh mawlh a. Kan Secretary leh Director nena an lungrualna leh thawhhona mawlh hi kan theihnghilh ngai lo ang.
Vantlang school te chhawmdawla, vantlang mipui rethei ber te ban phaka zirna tha zawk kan rama min chhawpchhuahsak \hintu Pu Zoramthanga kaihhruai sorkar hian zirna hi ram leh hnam hmasawnna rahbi pawimawh ber pakhat a nihzia hre chunga sum harsa tak chunga, kan thiamna leh theihnate khawtlang tana phur taka kan hman chhoh zel theihna tura vantlang enkawl school te min upgrade \hin hi kan va chhuang \hin tak em!” an ti.