Sorkar kum liam ta leh sorkar kum kal laiah hian Mizoram sorkarin hmun hrang hrang a\angin pawisa cheng vaibelchhe 3153.67 a puk tawh.Session liam taah khan Lawngtlai West bialtu C Ngunlianchunga zawhna, ziaka chhan chi chhangin finance changtu Lalduhoma, chief minister-in Mizoram sorkar sum puk zat hi House a hrilh a ni.
RBI kaltlangin OMB (Open Market Borrowings) atang te, sorkar laipui atangin SASCI leh EAP te, NABARD loan leh NCDC loan te a puk tawh.
Chief minister chhannaa a lan danin, sorkar kum liam ta atanga sorkar kum lai lai (2025-26) August ni 20, 2025 thlengin Mizoram sorkarin cheng vaibelchhe 3153.67 a puk tawh.
Tuirial bialtu K Laldawngliana zawhna chhangin chief minister hian OMB hmanga sum puk zat hi House a hrilh bawk a, 2024 January atanga 2025 August thlengin cheng vaibelchhe 1735 puk a nih tawh thu a sawi.
2024 atanga kumin August thla thlenga OMB hmanga sum pukah hian cheng vaibelchhe 355 chu rulh a nih tawh thu a sawi bawk. Rulh hnuhnun ber chu June ni 24-a mi kha a ni a, cheng vaibelchhe 75 rulh a ni.
Sorkarin cheng vaibelchhe 3100 chuang puk tawh
