Daily Newspaper

Sorkarin Covid Care Centre siam belh tum

40

Aizawl, July 28 : Mizoramah Covid-19 natna vei an pung zel a, sorkar pawhin he natna veite enkawlna tur Covid Care Centre (CCC) siam belh a tum. CCC thar siam turin sorkar hmunhma hrang hrang enfiah mek a ni tih thu dawn a ni.

CCC hi Covid-19 natna vei, ‘serious’ vak lote enkawlna hmun a ni a, Mizoramah Covid-19 natna veite enkawlna turin sorkarin ZMC bakah CCC leh DCHC (Dedicated Covid Health Centre) te a siam a ni.

CCC siam belh tum chhan hi, he natna vei an pun zel vang a nih thu Dr ZR Thiamsanga, MLA, health and family welfare board vice chairman chuan a sawi a, a vei an awm belh avangin mamawh zat pawh a pung tih a sawi bawk.

CCC siam belh tur hian sorkar hmunhma hrang hrang en kual mek a nih thu a sawi a, sorkar hmunhmain a daih lo a nih pawhin mimal leh khawtlang hmunhmate pawh hman a rem ang em tih te ngaihtuah a \ul thu a sawi bawk.

Health secretary H Lalengmawia pawhin CCC siam belh tum a nih thu hi a sawi a, “Sorkar hmun te dap a ngai a, a awmna khawtlang nena indawr te pawh a ngai mai thei a. Chung chu directorate lamin an bawhzui mek,” tiin health and family welfare department-in an bawhzui mek thu The Aizawl Post a hrilh.

Covid-29 natna vei an awm belh zel thu leh, mi eng zatin nge la vei dawn tih hriat a nih loh thu te sawiin, “Kan dinhmun heti hi a ni a, a vei an awm belh a, an awm belh zel dawn em tih hriat a ni lo a. Chuvangin lo inbuatsaih a ngai a, CCC siam belh hi a ngai a ni,” a ti. Tunah rih chuan CCC hi indaih loh a la ni lo tih a sawi bawk.

Force mite vang pawhin CCC hi siam belh a ngai tih chu sorkar ngaihdan a nih thu a sawi a, a vei an awm belh thu leh Mizoram rawn lut tur an awm thu te sawiin health secretary chuan, “Force mite vang pawh hian CCC hi siam belh a ngai a. Tin, Mizoram mite an rawn lut zel dawn a, chuvang pawh chuan siam belh a ngai,” a ti.

CCC-ah hian mi 135 an awm mek a, DCHC-ah mi 15 an awm mek bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy