Daily Newspaper

Sorkarin mipui pawisa chhuhsak

44

Congress president Sonia Gandhi chuan Union Government chuan ‘pawisa inchhuhsak luihna entirna thar’ kalpuiin oil man chu \um 22 a tisang tawh tia sawiin sorkar chu a rang thei ang bera oil man tihniam leh turin a ti bawk. Sonia Gandhi chuan sorkar chuan pandemic avanga harsatna namen lo awm laiin mipuite puih aiah ‘hlawkna chan’ ringawt tum tiin a sawi bawk a. Oil man tihdan chu sorkar berin mipuite sum harsa taka an thawhchhuahsa an pawisa bawm hnawhkhah nana laksakna entirna tha ber tiin a sawi bawk.

“March 22 lockdown hnu atangin Modi sorkar chuan thla thum chhungin petrol leh diesel man tum 22 a tisang tawh a. Diesel man chu litre-ah Rs 11 a tihsan a ni tawh a, petrol pawh litre-ah Rs 9.12 a tihsan a ni tawh. Modi sorkar hian thla thum chhungin international crude oil man tlahniam laiin excise duty tihsan hmangin crore a lakh telin a la lut tawh a ni” tiin a sawi. ‘Speak Up Against Fuel Hike’ campaign kalpuinaah thusawina neiin Covid-19 pandemic laia petrol leh diesel man tihsan zel hian harsatna a belh a ni tiin a sawi bawk a.

Kum 2014 atangin sorkar chuan excise duty tum 12 a la ang tawh a, heta \anga sum a lakluh hi Rs 18 lakh crore dawn a ni tawh tiin a sawi bawk. “Sorkar hian petrol leh diesel man tihsan atangin mipui sum a chhuhsak lui a ni. Hei hi dik lo mai a ni lo va, a fel lo tak zet a. India rama loneitu, mi rethei, hnathawk, middle class leh sumdawng tenau te a ti-na hle a ni” tiin a sawi bawk.

Rahul, Priyanka te pawh inrawlh Party president hlui Rahul Gandhi leh general secretary Priyanka Gandhi Vadra te pawhin social media-ah campaign an nei a. Mipuite chu sorkar in oil man tihhniam ngei theih nana sorkar nawr turin an ngen bawk.

Rahul Gandhi chuan Coronavirus crisis ramin a tawh mek lai leh unemployment leh economic lama harsatna namen lo awm laiin sorkar chuan khua leh tui pangngai te puih aiin crony capitalist te chauh puih a tum tiin a sawi a.

“Fuel man tum 22 a tihsan hian sorkar chuan mirethei leh chak lo te a tina a ni. Tlang hrak leh tlang hrak lo pawhin a khawih na vek a. Fuel man a san chuan thil man zawng zawng a sang nghal zel lo thei lo” tiin a sawi bawk. Senior party leader Ahmed Patel chuan, “He sorkar hian kum li hnuah chauh inthlanna a awm dawn tih an hria a, hei vang hian fuel man an tisang vak vak mai a ni. Inthlan dawn tepah tactic hran neiin tuna an sum lakkhawm te hi an sem leh mai ang” tiin a sawi bawk a.

Randeep Surjewala pawhin sorkar chuan lockdown laia fuel man a tihsan a\angin sorkar chuan Rs 1.3 lakh crore a la lut tawh tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy