Daily Newspaper

Sorkarin purunsen thawnchhuah khap

27

Central sorkar hnuaia Department of Commerce chuan Thawhtanni atang khan purunsen thawn chhuah a khap thut a. Hei hi India rama purunsen zawrhna hmunpui Maharashtra-a Lasalgaon-ah, kg ah Rs 30-a a san vang niin kumin March thla nena hisapin a man hi a let hnihin a pung a ni.

Central khapna hi purunsen chingtute chuan an lawm lo le a, an thlai thar hralh chhuah man a to dawn tan chauh tiha ram pawna thawnchhuah khap chu an hrethiam lo hle a ni.

NCP President Sharad Pawar chuan Union Commerce Minister Piyush Goyal hnenah ngaihtuah nawn leh tura ngenna a siam thu a sawi a. “Purunsen thawnchhuah khap hian Gulf rama onion market-a India export share a ti chhe zawk ringawt dawn,” tia sawiin Pawar chuan India chu Pakistan ten an luah lan mai theih thu a sawi bawk.

Lasalgaon market-ah hian purunsen man hi March leh September inkarah a let hnihin a pung tawh a. June-July a Kg-a Rs 20 kha tunah chuan Rs 35-40 ni tawhin hei vang hian sorkarin thawn chhuah a khap anga ngaih a ni.

All India Kisan Sabha General Secretary Dr Ajit Navale chuan Maharashtra mai ni lo ram puma purunsen chingtute bumna tiin a sawi.

“Loneitute he thutlukna siamah hian an thinrim a, duhlohna lantir a ni ang,” tia sawiin thutlukna Centre-in a siamna chhan chu Bihar inthlan dawn vang nia sawiin tu sorkar tan mah purunsen man sang chu a tha lo vang tiin a sawi.

Purunsen hi November thlaah bak tharchhuah a ni dawn rih lo a ni. Chu mi hma chuan purunsen thawnchhuah reng a nih chuan a man a sang zual zel tur chu thunun ngai niah sorkar chuan a ngai a ni. Mahse, loneitute tan chuan purunsen man sang chu an tan hlawkna a ni ve hlauh thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy