Daily Newspaper

Sorkarin Revenue-sharing forumal hmangin GST share pe thei lo

19

Finance Secretary Ajay Bhushan Pandey chuan Parliament Standing Committee on Finance, BJP MP Jayant Sinha kaihhruai tena meeting an neihnaah sorkar chuan tuna revenue sharing formula hman mek angin state te hnenah GST share an pek theih loh thu a sawi.

Pandemic avanga revenue tlahniam chung changa zawhna siam member pahnihin an zawhna Pandey an a chhanna a ni a. Member-te chuan engtiangin nge sorkar chuan States te hnena a thutiam phatsan a tum tiin an zawt zui a.

Pandey chuan GST Act ah chuan State sorkar te hnena compensation pekah revenue lakkhawm tiamchin aia a hniam chuan formula a siam danglam theih thuin a chhang tiin member-te chuan an sawi bawk.

Finance Ministry chuan Thawhtanni khan Centre chuan financial year 2019-20 a GST compensation final installment Rs 13,806 chu a pek chhuah thu an sawi a.

GST Council chuan July thla hian State te hnena compensation pek turah formula siam danglam tum an ni a, mahse, he meeting hi tun thlengin koh a la ni lo.

Ram chhung lockdown hnua meeting an neih hmasak berah Indian economy dinhmun an sawiho dawn emaw tih laiin “Financing the innovation ecosystem and India’s growth companies” tih topic chhawp chhuah daih a nih avangin opposition member te an lungawi lo hle bawk.

Congress MPs Manish Tewari, Ambika Soni, Gaurav Gogoi leh NCP MP Praful Patel te chuan pandemic avanga harsatna nasa tak tawh economy dinhmun chu Committee a sawiho turin na takin an ngiat nia sawi a ni a. Tewari chuan Chairperson Sinha hnenah a hmain lehkhathawnin Committee chuan crisis laia kan sawiho lo a nih chuan mipui ten he Committee hi bumna angah an ngaih tur thu a hrilh bawk.

Tewari chuan Parliament-in March 23-a budget a pawm fel tawh pawh khan revenue lakkhawm behchhana siam a nih avangin awmze awm tawh lo a nih mai theih thu a sawi bawk a. Revenue tlahniam chungchangah sorkar atangin thil chiang engmah tihchhuah a la ni lo bawk a. Congress MP Gaurav Gogoi chuan panel te chuan sorkarin rescue package a siam a sawtna te pawh sawiho tur a ni a ti bawk.

Committee Chairperson Sinha chuan member tena zawhna an siam tam ber te chu politics behchhan a nih avangin Finance Ministry officials te chhan theih a ni lo a ti thung a. Heng zawhnate hi chu Finance Minister Nirmala Sitharaman in Parliament thutkhawm huna sawihona neihnaa a chhan theih chauh chi a ni a ti bawk.

Hei hi chhang letin Praful Patel chuan Standing Committee on Finance berin state of the economy basic question te takngial pawh an sawiho thei lo a nih chuan he panel hi thiah a tha zawk ang, tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy