Daily Newspaper

South China Sea-ah India-in indo lawng tir dawn

8

India chuan South China Sea-ah tun thla chhung hian naval task force a tirlut dawn a, a thian ram dangte nena security tihchakna tura ruahmanna kal zel a nih thu sawiin, hei mai bakah hian China beihletna kawngah hma a lak len tial tialna a ni bawk.

Indian military-te chu China dodalna kawngah fimkhur taka kal thin a ni a, mahse nikuma Galwan Valley, Ladakh-a Indian leh Chinese sipaite inkhuainuai hnuah boruak a danglam ta nia ngaih a ni a. India sorkar chu China nawrletna kawngah United States a hnaih tial tial bawk.

Southeast Asia, South China Sea leh western pacific an fanna turah hian India chuan guided missile destroyer lawng lian pali bakah missile frigate a tirlut tel dawn a, thla hnih chhung an cham dawn niin Navy thuchhuah chuan a tarlang.

“Maritime domain-a order tha tak a awm theih nan leh thian ramte nena remna leh muanna hnuaia inlungrualna lantir nan Indian Navy lawngte hi tirhchhuah an ni” tiin Navy-te thuchhuah chuan a tarlang.

Tun hnaia China leh US inlaichinna tichhe zualtu ber chu South China Sea chungchang niin Washington chuan Beijing-in helai tuipui hausa tak a ram chhung ang veka a chhal chu a duh lo hle a ni.

June thla khan US aircraft carrier group USS Ronald Reagan kaihhruaite chuan routine mission tiin South China Sea an lut tawh a, tun thla hian British carrier group-te pawhin Philippines-ah exercise an nei dawn bawk.

Indian indo lawngte hi kum tina neih thin Unted States, Japan leh Australia-te nena coast of Guam-a annual joint war drill neihnaah an tel nghal dawn bawk a ni.

Heng ram palite hian inthurualin informal group Quad an din a, hei hi China huangtauna lo chhang let tura insuihkhawmna anga ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy