Daily Newspaper

South Korea-ah piang aiin thi an tam zawk

11

South Korea-ah chuan kum 2020-ah a piang aiin nunna chan an tam zawk a. South Korea hi khawvela nau piang tlemna ber pawl a ni.

Nikum khan nau piang 275,800 an awm a, kum 2019 aiin nau piang tlemna 10% lai niin nunna chan 307,764 an awm thung.

South Korea interior ministry chuan policy thlak a ngaih thu an sawi zui nghal a. Mihring tlem zel chuan nghawng na zawk a neih an hlau a ni.

Healthcare system leh pension an tam zel a, thalai an tlem tial tial bawk si avangin hnathawktu an tlem tial tial a, chu chuan economy a nghawng tan der tawh niin sawi a ni bawk.

Thla kalta khan president Moon Jae-in chuan policy thahnem tak naupiang tam zawk awm theihna tur puangin chung zingah chuan nau piang nei chhungkua te chuan chhawmdawlna an dawng thei dawn a.

Kum 2022 a nau piang tin ten cash bonus 2 million won ($1,850) an dawng fawn a, hei bakah hian nausen kum khat a tlin hma in thla tin 300,000 won pek tur a ni bawk a. Kum 2025 atang phei chuan thla tina sum dawn hi 500,000 ah tihsan tur a ni dawn a ni.

Korean hmeichhiate hian hnathawh leh nunphunga thil pawimawh dang inbuk tawka kalpui danah harsatna an nei nasa nia sawi a ni a. Fa neih aiin career an dah pawimawh hmasa zawk zel nia sawi a ni.

Hei bakah hian real estate man sang lutuk chu thalai innei tena fa neih an duh lohna chhan nia ngaih a ni bawk a. Fa nei tur chuan chenna In mahni puala neih a ngai a, chu chu Korea-ah chuan thil harsa tak nia ngaih a ni bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy