PWD-in Tuikhuahtlanga Assembly speaker bangla bula thingkung pakhat an kit leh dawn a, hemi atan hian phalna an nei. Hetihlai hian tunhnaia bangla kawta thing kih chu dan anga tih fel ngai tih hnu ah an kit chauh tih speaker Lalbiakzama chuan a sawi.
June 10 khan Aizawl Divisional Forest Officer chuan thingkung kih phalna thu a chhuah a. “…Mizoram Assembly speaker bungalow bula coconut kung pakhat kih i dilna chu Mizoram sorkar lehkha notification No. B.11020/42/2015-FST Dt. 26.9.2017 ‘Guidelines for felling and removal of trees from Municipal areas of cities, towns, villages and along highways and other Govt. public lands in Mizoram’ Section – 2(4)-in a sawi angin phalsak i ni e,” tiin PWD a hriattir.
Thawhlehnia Aizawla Green Mizoram Day hmannaah hemi chungchang hi Lalbiakzama hian a sawi a. Bangla leh a compound chu PWD enkawl leh an kuta awm a nih angin, PWD hotuten bangla kawta thingkung ding chu a awmna hmun a hmawr bakah lungrem bulah a awm a, tunhnaia thlipui leh ruahsur nasat lai khan a dinna zawn phei a khi nasa a, a bul vela chengte tan a him loh avang leh a dinhmun a derthawn avangin kih an rawt tih a sawi.
“A tul anga sum deposit ngaite deposit in, dan ang thlapa an kalpui hnuah thing hi kih a ni,” a ti.
Speaker bangla thing kit dawn Dan angin kan kalpui – Speaker
