Dilkhan nula Lalhmangaihsangi chu Khelo India-a bronze medalist niin, Mizoram Assembly speaker leh Chalfilh bialtu MLA ni bawk Lalbiakzama chuan nimin khan a office chamber-ah thingpui a inpui.
Hmangaihsangi hi March ni 28-31, 2026 chhunga Chhattisgarh (Ambikapur)-a a vawi khatna’na khelh Khelo India Tribal Games-ah khan Mizoram aiawhin 76 kg hnuai lam huang wrestling-ah chhuakin, bronze medal a awrh.
Speaker Zamtea chuan heti ang mi talent nei tha a bial chhunga mi chu a chhuanzia lantirna’n a office-ah lawmpuina a neihpui tih sawiin, memento a hlan. National level-a zo chhul chhuak kan lang thin ropui a tih thu sawi chungin midangte tana entawntlak nun nei tur leh nasa lehzuala tan la zel turin a fuih nghal.
He hunah hian Mizoram Wrestling Association atangin an president Ngurthansanga bakah joint secretary & team manager Hmangaihhlima bakah financial secretary F. Lalmalsawmate’n an tawiawm a ni.
Speaker-in medalist wrestler lawmpui
