Daily Newspaper

Speaker-in member-te thuchunga thusawi turin ngen

9

Lok Sabha speaker Om Birla chuan House member te chu thusawina an neihin thu chunga sawi tur leh Covid-19 pandemic len lai hun a nih avangin social distancing norms zawm turin a ti.

Parliament Monsoon Session ni 18 awhtur chu nimin khan tan niin hetih chhung hian Lok Sabha leh Rajya Sabha te chu chawlh awm lovin a tahtawlin an inthut chhawk dawn a ni. Nimina ni khatnaah Lok Sabha chu zing dar 9 atanga chhun dar 1 an thu a, Rajya Sabha te chu tlai dar 3-ah an thu tan thung.

Ni dang zawngah chuan Rajya Sabha chu zing lamah darkar li chhung an thu ang a, Lok Sabha chu tlai lamah an thu thung ang.

“Tun hi a tum khat nan House pahnih te chu member te him nana siam danglam hmasakna ber a ni” tiin Birla chuan a sawi a, ‘member thenkhatte phei chu visitors’ gallery ah thuttir an ni’ tiin a sawi bawk.

Birla chuan thutna te chu social distancing norm zawm thei ang berin siam danglam a nih thu sawiin member te chu House tha taka a kal theih nana thawhhopuiah a sawm bawk.

Speaker chuan member te chu thu an sawi dawn pawhin ding lova thu chunga sawi turin a ti bawk a.

“In tan a harsa mai thei a, mahse, Covid-19 avang leh mithiamte thurawn angin, House a member te thuchunga thu an sawi ka remti a ni. Member ten harsatna an nei dawn tih ka hria a, mahse, duhthlan tur dang ka nei lo,” tiin Birla chuan a sawi bawk.

House chuan digitisation lakluh a tum thu sawiin chumi atan chuan app an ruahman mek thu a sawi bawk a.

“Safety protocol hrang hrang avangin harsatna a awm tih ka hria a, mahse, kan him a ngai si a ni,” tiin Birla chuan a sawi bawk.

Session chuan party hrang hrang member te a huhova awmtir a tum laiin pandemic avangin social distancing kalpui a ngai si a ni, a ti bawk a.

Speaker chuan thutna rem chungchangah harsatna a awm tih a hriat thu sawiin mahse member te chu social distancing kalpui nana thutna an pek chu luah hram hram turin a ngen bawk a.

“Tun session hi hun danglam tak hnuaiah neih a ni a, member te him nan thutna kan thlak danglam a ni. |hutna te hi House a party ten member an neih zah behchhanin kan siam a. Member leh minister te thutna ruahman zawm turin kan ngen a ni” tiin Birla chuan a sawi bawk.

Centre leh State sorkar te chu an tanrual avangin corona chu hnehin a awm tur thu a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy