Daily Newspaper

Spice Girls-in an kum 25 tlin champha lawm nan Victoria tel loin ‘Wannabe’ siam thar leh an tum

28

An vanglaia khawvela hmeichhe group lar bera chhal ngam Spice Girls chu an group indin atangin kum 25 a tling der tawh a, an kum 25 tlin champha lawm nan hian an hla hit ‘Wannabe’ chu siamthar leh an tum niin an sawi.

Spice Girls hi Victoria Beckham, Emma Bunton, Melanie C, Mel B leh Geri Horner ten an din a ni a, 1996-ah a hla hit ‘Wannabe’ chu khawvel hriata vawrh lartu a ni ta a ni.

An kum 25 tlin champha lawm nan hian eng emaw tak tih an tum thawm hi chu nikum lam atangin a ri a ri tawh a, reunion thawm pawh a ring hle a, mahse, Victoria Beckham a hel tlat mai a, tunah chuan Victoria tel lo kaltlangpui tho an tum dawn ta a ni.

London chhuak The Sun chanchinbuin a tarlan danin Spice Girls hian 2021 tour an tum dawn a, kuminah eng emaw tak tih an tum nain coronavirus hripui leng avangin engmah a tih theih ta rih lo a ni. Tunah chuan Spice Girls member te hi an inbe pawp reng a, an kum 25 tlin champha pual hian eng emaw tak chu tihpuitlin an tum dawn niin an tarlang.

Spice World-2019 Tour, UK leh Ireland-ah nikuma an neih pawhin Victoria hi a tel lo tawh a, hemi tum hian show vawi 13 neiin, an hlawhtling hle a, he tour-ah hian Victoria hi a tel ve lo nain, pound maktaduai khat chu a hlawkna a tel ve ta tho a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy