Tom Holland leh a nupui Zendaya te channa “Spider-Man: Brand New Day” chu Sony film zinga opening weekend-a khawvel huapa sum lalut tam ber record siamin box office No.1 a ni a, hetihrual hian US-a opening weekend-a sum lak luh tamah pawh record siamtu 2019 film ‘Avengers: Endgame’ a pha tep a ni.
Box office ranking hi kartawp, Zirtawpni-Pathianni chhunga US-a cinema hall sum chevel atanga tehin siam thin a ni a, ‘Spider-Man: Brand New Day” hian tun weekend kalta khan dollar maktaduai 355 la lutin, No.1-ah a debut a, Sony film zinga opening weekend-a sum la lut tam ber a la ni a, Sony film chauh ni lo zingah pawh 2019-a film ‘Avengers: Endgame’ opening weekend sum lak luh dollar maktaduai 357.1 chiah a pha lo.
‘Spider-Man: Brand New Day” hi US pawn lamah pawh a che tha hle a, ram hrang hrang 66 atangin dollar maktaduai 572 la lut bawkin, tihian opening weekend-a a lak luh zawng zawng chu dollar maktaduai 927 a tling a, khawvel huapa film tlangzarh tawh zingah opening weekend-a sum lakluh tamah ‘Avengers: Endgame’ (dollar tluklehdingawn 1.2) chiah a pha lo.
Box office-a kar hnih No.1 ni tawh The Odyssey chuan a weekend vawi thumnaah dollar maktaduai 51 la lut lehin, No.2-ah a tawlh ta a, he film hian US-ah dollar maktaduai 395.5 la lut tling tawh.
Box office No.1 hlui , animated film Toy Story 5 pawhin dollar maktaduai 6.3 la lut lehin No.3 a la ni a, he film pawh hian US-ah dollar maktaduai 461 a la lut tling tawh a, animated film dang “Minions & Monsters’ pawhin dollar maktaduai 5.8 la lut lehin No.4 a la ni a, he film pawh hian US-ah dollar maktaduai 168.4 a lalut tling ve ta bawk.
Box office top 5 khartu chu live-action Moana niin, Dwayne ‘The Rock’ Johnson channa hian dollar maktaduai 5.3 la lut lehin, No.5 a ni a, he film hian US-ah dollar maktaduai 114.8 a la lut tling ta.
Dollar maktaduai pawh tling lo a film an siam ‘Obsession’ chuan dollar 4,70,000 la lut lehin No.10 a la ni a, he film hian US-ah dollar maktaduai 262.77 a la lut tling tawh bawk.
Box office top 10:
1 Spider-Man: Brand New Day $355,000,000
2 The Odyssey $51,000,000
3 Toy Story 5 $6,300,000
4 Minions & Monsters $5,800,000
5 Moana $5,300,000
6 Hadestown: The Musical $2,001,239
7 The Invite $1,244,344
8 I Want Your Sex $600,000
9 Young Washington $477,727
10 Obsession $470,000
‘Spider-Man: Brand New Day’-in record siamin box office No.1-ah a debut
