Daily Newspaper

Spider-Woman film an siam dawn

14

Olivia-Wilde chu Sony Pictures-in Marvel movie direct turin an la fel a, hmeichhe lam channa film tur a ni a, Spider-Woman film siam tur niin report a awm. Chutih rualin Spider-Woman character-ah hian eng ber nge a rawn chhawp chhuah dawn a la hriat loh a, Jessica Drew, Julia Carpenter, Mary Jane Watson nge Gwen Stacy ten he film-ah hian a lailum rawn luah dawn tih erawh a la hriat loh.

Olivia Wilde hi comedy ‘Booksmart’ director niin, he Spider-Woman movie tharah hian Katie Silberman chu a script writer tur niin, Amy Pascal chu producer a ni ang a, Rachel O’Connor chu executive producer a ni ang. A film fawng chelhtu ho pawh an hmeichhe hlang dawn hle a ni.

Oilvia Wilde hi actress niin, kum 16 chhung lemchan khawvelah a lo inhmang tawh a, a channaah chuan 2010 sci-fi reboot Tron: Legacy te pawh a hriathlawh tak a ni a, TV lamah pawh medical drama ‘House’-ah 2007-2012 inkar khan Remy ‘Thirteen’ Hadley lemah a chang a, Cowboys & Aliens leh Conversations with Other Women, The Incredible Burt Wonderstone leh The Lazarus Effect-ah te pawh a inlan tawh. Mahse, tunah chuan directing lamah a kal ta zawk a, ‘Booksmart’ hi a direct hmasak ber a ni a, hei bakah hian a film direct leh amah a chan nghalna psychological thriller ‘Don’t Worry Darling,’ pawh a chhuak hnai tawh a, American gymnast Kerri Strug biopic te pawh a buaipui lai a ni bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy