Mizoram Sports & Youth Services minister Lalnghinglova Hmar chuan Zirtapwni khan Union Sports minister Anuraj Singh Thakur chu New Delhi-ah a kawm.
Mizoramin sports lamah hma a sawn zel theihnana pawimawh sawipuiin, Aizawla SAI Centre chu Imphal-a North East Regional Centre atanga Guwahati Regional Centre hnuaia dah a tul tih a sawi a. Union minister hian Aizawl SAI Centre chu Imphal hnuaia awm loin Guwahati hnuaia dah a nih tur thu a sawi.
‘Khelo India’ hnuaia sports infrastructure siamna atan Mizoramin tunhnai kum hnih chhungin project pakhat chiah a dawn avangin pek belh turin Mizoram Sports minister hian a ngen a. Union minister hian pek a nih tur thu in a chhang.
India-in 2036 Olympic thlen a tum chu lawmawm a tih thu Lalnghinglova Hmar hian sawiin, infrastructure siam ringawt a tawk loa, tun atanga infiammi inbuatsaih a tul thu leh a hmanhmawh thlak tawh thu a sawi a. Hemi kawnga inrawn khawmna hi February 19-ah North East-a Sports minister zawng zawng tan buatsaih nghal a tum tur thu Anuraj Singh Thakur hian a lo hrilh a ni.
Sports minister-in Sports minister hmu
