Daily Newspaper

Spurs-in Bale hruaikir leh

16

Manager Zinedine Zidane hnuaia tuitla lo Gareth Bale chuan a club hlui Tottenham Hotspurs a zawm leh ta nge nge a, mahse, tuntum chu loan-in a ni phawt dawn a; British media-te tarlan danin Spurs hian an winger hlui man leh a hlawh atan pound makta-duai 20 (USD 25.8 mi-llion) an pek a ngai dawn.

Inrinni khan Premier League club chuan kum 31 mi Wales forward Bale bakah left back Sergio Reguilon chu Spanish champion Real Madrid atanga an hruai-luh thu an puang a; season liamtaa Sevilla lama loan-a chhuan Reguilon hi contract nghet ziahpuiin, a man hi media lamin euro makta-duai 30 (USD 35.51 million) niin an tarlang.

Kum 2007-2013 khan Bale hian Spurs tana game 200 chuang a khelh atangin north Londoners tan goal 56 thunin assist ngawt pawh vawi 58 a siamchhuak tling a, White Hart Lane-a a hlawhtlin em avang khan an mit itzawng hlah zen zen lo Real chuan khatih laia world record fee ni thak zakin Welshman kha euro maktaduai 100 (USD 118.37 million)-in an chhuhsak ta a ni.

Spain a thlen hnuah Spanish giants chu Cham-pions League trophy pali leh La Liga title pahnih lakpui bawk mah se an club fanbase lam chu Briton lakah hian an inthurual hlei thei lo a, supporter thenkhat ngaih-ah an club tana rilru zawng zawng pe tawk loha puh niin, a hliam neih chhenin Bernabeu-a Welshman hmai hi a timawk ve pah bawk.

Nikum khan Bale hian sum tam tak hlawh theih-na Chinese club Jiangsu Suning a zawm fel hman tep tihah club lamin a chhuak tur an dangbet leh a, Real-ah chhe zetin 2019-20 season kha a hmangliam a, Liga title an lakna kawngah a khel pha bar lo.

Manager Zinedine Zidane nen ber an ink^r boruak a tha thei tlat lo a, season liamta Champions League match-a Man-chester City an hma-chhawn dawn tum pawh-in squad zingah takngial pawh hruai tel a ni lo.

Bale leh Reguilon an sengluh bakah Spurs hian Denmark midfielder Pierre-Emile Hojbjerg, Ireland defender Matt Doherty leh England goalkeeper Joe Hart-te an thlung fel tawh bawk.

Real Madrid coach Zinedine Zidane chuan Tottenham Hotspur lama Gareth Bale a kirleh dawnah a chungchang engmah sawi a neih loh thu sawi chungin Wales forward nen mimala inhmuhthiamlohna emaw engmah an neih loh thu a sawi a, Spanish club tana a thiltih tawh zawng zawngah a fak nghal.

Karliamta Zirtawpni khan inchingfel turin Bale hian London khua a pan a, kum sarih a khawsak tawhna Real-ah contract la nei mah se tun season chu a ropui thina London-ah a khawsa leh dawn.

Madrid a chhuahsan chhan nia ngaih Zidane chuan nizan an league game hmasabera Real Sociedad an luhkhung tur vuakvet news confe-rence-ah Bale chung-chang sawichhuakin, a chhuak tur pawh a be lo hrim hrim tih a sawi a, chutih rualin club tana a thiltihte a hriatreng thu leh a thiamna diktak a pho-chhuak tawh nia a hriat thu sawiin, “Han fiah leh chuan ngai awm tawh lo a ni a, kan club tana a thawhchhuahte hi hnial theih a ni lo ang,” a ti.

Zidane-a season hma-sabera Real-in 2016 Champions League tro-phy an hawn tum khan Bale hi player pawimawh a ni a, mahse, a kumleh season-ah hliam avangin a inlan mumal thei ta lo a, a hnu lamah pawh French coach hnuaiah first-choice player a ni pha tak tak ngai ta lo a, 2018 final-ah khan Liverpool lakah goal hnih khung mah se chu pawh chuan club lama a dinhmun a chawikang zo tak tak chuang tawh lo.

Real boss thung chuan Bale nen harsatna engmah an neih ngai loh thu sawiin, “Thil hrang hrang chu thleng ve tur reng a ni a, tunah chuan a ko thlak a duh ta a ni mai a, kan tih theih zawng chu duhsakna tha ber hlan hi a ni mai a, hetiang thil hi chu football-ah a thleng ve chawk reng a ni. Ka sawi fo thin chu Gareth hi player mit la tak a ni,” a ti.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy