Squid Games online leak

Khawvel puma Netflix pawttute nghahhlelh em em ‘Squid Games’ season 2 scene chu teaser tihchhuah a hmain online-ah a leak.
‘Squid Games’ season 2 chu November 1-ah a teaser tihchhuah tura ruahman a ni. Mahse, teaser tihchhuah a nih hma ni-in online lamah a scene thenkhat a put ru a ni.
Netflix chuan teaser an tihchhuah tur thu clip tawite an tichhuak a, chutah chuan hmaikawr vuah mipa pakhatin, “Hetiang thlenga kan thlen theih avangin lawmthu kan sawi e. I performance te kha a ropui tak zet a ni. Mahse games erawh a la tawp lo. Thu pawimawh tak ka rawn chhuah thuai dawn a ni. Thil lian zawk i hmaah a lo thleng dawn a ni. Games khelh leh turin i inpeih tawh em?” tiin, Squid Game Season 2 teaser chu naktuk (vawiin) hian tihchhuah a nih tur thu caption an hmang bawk.
Hetih lai hian, fan-te’n season tharah eng nge an rawn zeh dawn tia an nghah lai hian scene pakhat, season 2 atanga lo chhuak nia rin chu online-ah a leak niin an sawi. Twitter (X) khawihtu pakhat chuan minute 1 leh second 30-a thui video an post a. Chu chu season thar atana scene tur niin fan-te’n an ring fur.
Internet kawngsira a scene put ru ah chuan, player-te chu center arena lam pan ni awm takin corridor-ah an kal a, chutah chuan merry-go-round lian takah an awm a, an chhehvelte chu kawngkhar rawng hrang hrangin an hual vel bawk.
Scene leak ah chuan season 1 atanga character hriat hlawk tak takte reilote an inlan. Chung zingah chuan fans-te’n hmuh an inbeisei ngei tur, game hlauhawm taka dam chhuak, an theihnghilh theih loh, protagonist Seong Gi Hun (Lee June-Jea) pawh a tel.