Andhra Pradesh-a Sri City Special Economic Zone chu Nilaini khan larsap Dr Hari Babu Kambhampati leh Mizoram Youth Commission chairman Malsawmzuala Ralte chuan an tlawh.
Sri City managing director leh thawktu dangten lo dawngsawngin, SEZ chhunga company hrang hrang – ISUZU, Colgate, Pepsico, Foxcon, Daikin, Havels, Kobelco adt. aiawh nen thukhawmin, Mizo thalaite tana hnathawh ve theih dan tur an sawiho.
Company hrang hrang 100 chuang awmah thawktu 60000 vel an awm a, hengah hian security guard atanga ITI pass chhuak, diploma holder, class 10 atanga graduate chin leh engineer degree neite tan hnathawh tur remchang a awm theia ngaih a ni.
Human Resource department nen ruahmanna siamin, an ni lamin hnaruak, thiamna ngai chin leh hlawh tur zat an rawn ruahman anga, chumi mil chuan MYC-in a thawk thei tur Mizo thalai a lo ngaihtuah dawn a ni.
Larsap ho hian special economic zone chhunga company thenkhat hnathawhna hmun fankual a nih bakah IIIT tlawh a ni a. MYC chairman bakah LESDE, Planning leh MISTIC department official-te an tel bawk.
Sri City economic zone tlawh
