Mizoram Board of School Education (MBSE) in High School Leaving Certificate Examination 2024 a kalpuiah Social Science subject chu exam that a ni dawn lo tih a sawi.
MBSE thuchhuak chuan Social Science answer paper endik dan tur chungchangah zirlai tute mahin an tawrh lohna tur leh hamthatna chang bik an awm lohna turin Examination Committee-in hma a la dawn tih a sawi a. He thil duhawm lo tak thleng avanga zirlaite, zirtirtute leh nu leh pate rilru chiaina leh hlauhthawnna thleng zawng zawngah School Education department leh MBSE chuan pawi a ti a. Zirlaite harsatna hrethiamin MBSE chuan hma a la dawn a, tumah chiai lo tur leh thlamuang taka awm turin a chah tih a sawi.
Hetiang thil duhawm lo hi a thlen nawn tawh lohna turin hma a la zel dawn tih a sawi bawk.
SS exam tha dawn lo
