Daily Newspaper

SSR case-ah Deepika Padukone a kangkai

30

Bollywood actor Sushant Singh Rajput chu June ni 14 khan Bandra, Mumbai-a a chennaa inawkhluma hmuh a ni a, he thihnaah hian SSR ngaihzawng hlui Bollywood actress Rhea Chakraborty chu mawhphurtu bera puh niin, Mumbai Police-in an chhui hnuah case hi CBI leh Enforcement Directorate (ED) ten an chhui ve leh a, ED hian Rhea WahtsApp chat an haina lamah ruihhlo lam nena inkungkaih inbiakna an hmuchhuak a, chuta tang chuan Narcotics Control Bureau (NCB) inrawlh ve lehin, Bollywood star hrang hrang te a kangkai ta zel a, tunah chuan Bolltywood actress zinga hriathlawh berte zinga mi Deepika Padukone pawh a kangkai ve leh ta a, Deepika Padukone hi NCB-in tunkar hian an ko ve leh dawn ta a ni.

NCB-in drug chat an hai chhuah pakhatah chuan ‘D’ leh ‘K’ tih hming lamtawi chu niminpiah khan a lar ta hluai a, ‘D’ hi Deepika Padukone niin, ‘K’ hi Karishma a ni a, Karishma hi KWAN Talent Management Agency mi rawih lai niin, Deepika manager a ni a, ani hi NCB-in vawiin a an hmaa inlan turin an ko tawh nghe nghe a ni.

Rhea an dawpna atangin Bollywood actress ruihhlo a inhnamhnawih Shraddha Kapoor leh Sara Ali Khan te pawh NCB-in an ko tawh a, anni bakah hian Rhea hian Rakul Preet Singh leh Simone Khambatta te hming pawh NCB hmaah hian a lo puang tawh bawk a ni.

NCB-in drug chat an hai chhuah ah chuan Deepika hian a manager hnenah hian ‘maal’ (tip lam chi) a mamawh thu leh inpek dan tur vel an sawina te a lang a ni.

Drug chat-ah hian milar hming lan tawi K, D, S, N leh J te a lar hle a, ‘K’ hi 90s Bollywood star, Bollywood chhungkaw hiat hlawh tak chhungkaw mi niin an sawi a, ‘N’ pawh hi90s Bollywood actor niin an sawi bawk. J hi talent manager Jaya Saha niin, ani hi Rhea manager a ni a, Jaya Saha hi milarte tana ruihhlo pe kualtu pakhat niin an puh a, ani pawh hi NCB-in Thawhtanni khan thu zawh fiah turin an ko a, darkar 4 leh a chanve lai thu an zawh hnuah, nimin khan an ko nawn leh tawh bawk a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy