Daily Newspaper

SSR case: CBI leh NCB-in Rhea an ko

9

Rhea-i’n SSR a hmangaih tih loh chu thiam lohna a nei lo niin a sawi; ED-in Rhea pa an ko

Bollywood actor Sushant Singh Rajput thihna CBI-in an chhuinaa nimin khan SSR ngaihzawng hlui Rhea Chakraborty chu thu an zawt fiah ve ta a, Rhea hi a hmain Mumbai Police leh Enforcement Directorate ten thu an lo zawtfiah ve tawh bawk. CBI zawhah hian Rhea hi Narcotics Control Bureau (NCB)-in thu an zawt ve leh dawn a ni. CBI leh NCB hian Rhea lakah case an ziak lut tawh a, NCB hian Rhea bakah a unaupa Showik Charaborty leh Rhea manager Samuel Miranda, Talent manager Jaya Saha bakah drug dealer a puh Gaurav Arya te lakah thubuai hi an ziak lut tawh bawk.

Rhea hi nimin nilengin CBI-in thu an zawt fiah a, an thu leh hla erawh he thu buatsaih lai hian puan a la ni lo. CBI hian Rhea hi DRDO guest house, Mumbai-ah koin thu hi an zawt fiah a ni.

Enforcement Directorate-in Rhea WhatsApp chat record an hai chhuahah ruihhlo lam kaihhnawih an hmuhchhuah te chu CBI leh NCB te kutah an hlan tel tawh a, hei vang hian NCB hi he case-ah an inrawlh ve leh ta a ni.

Rhea hi CBI hmaa a inlan hma lawkin CNN IBN-in an kawm a, hetah hian Rhea chuan rei tak a ngawih hnuah Sushant Singh Rajput chungchanga sawitur a neih te pawh a inphawrh ve viau a, social media-ah pawh ngaihdan a phir ta deuh a ni.

Rhea hian SSR nu pawhin a thih hmain depression a lo nei nasa tawh tih te a sawi a, SSR chu a pa nena inpawh vak lo leh a nu nena rilru lam pawh inmil zawk niin a sawi a, hei bakah hian a mumang lamah SSR chu hmuin, SSR hian engkim puang turin a hrilh niin a sawi bawk.

Rhea TV interview hnuah hian social media lamah Rhea dinhmun hriattiampuitu an pung ve ta deuh a, thenkhatin lemchang angah an puh ve thung.

Rhea hian SSR nu pawhin a thih hmain depression a lo nei nasa tawh tih te a sawi a, SSR chu a pa nena inpawh vak lo leh a nu nena rilru lam pawh inmil zawk niin a sawi a, hei bakah hian a mumang lamah SSR chu hmuin, SSR hian engkim puang turin a hrilh niin a sawi bawk.
Rhea TV interview hnuah hian social media lamah Rhea dinhmun hriattiampuitu an pung ve ta deuh a, thenkhatin lemchang angah an puh ve thung.

SSR case hian boruak thar a nei zel a, a thihnaa mawhphurtu ni a puh ni mek a ngaihzawng hlui Rhea Chakraborty chuan SSR chu a hmangaih thu sawiin, a thiam loh leh tihsual awm chhun chu a hmangaihna chiah a nih thu sawiin, engtiang pawhin chhuiin dâwp vel pawh ni se engmah zêp tur a neih loh thu a sawi bawk.

Rhea Chakraborty lakah hian SSR pa KK Singh-a’n Bihar-ah FIR a thehlutin, sum tihchingpen leh SSR thihnaa mawhphurtu, mahni intihlum duh tur khawpa a nun tihrehawmah puh a ni a, case hi CBI-in la fel tawhin Rhea lakah hian case an ziak lut tawh a, CBI hian superintendent of police kaihhruaiin special investigation team an din a, SIT hian Mumbai thleng tawhin hma an la nual tawh a ni.

Sum tihchingpen chungchang hi Enforcement Directorate (ED)-in an chhui a, ED hian Rhea WhatsApp chat record te pawh lain, ruihhlo lama inhnamhnawihna thlengin an phawrh tawh a, he chat record hi CBI leh Narcotics Control Bureau (NCB) te pawh an hlan chhawng tawh nghe nghe a, hemi thu kal zelah hian NCB-in Rhea leh midang inhmahnawih lakah thubuai an ziak lut ve tawh bawk.

Tunah hian ED chuan Rhea pa Indrajit Chakraborty chu thu zawhfiah atan an ko nawn leh a, hetihrual hian Rhea unaupa Showik Chakraborty pawh Mumbai-a DRDO guest house-ah CBI-in thu zawh fiah atan an ko ve bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy