Daily Newspaper

SSR case: NCB-in Rhea an man; ruihhlo a tih thu a puang

32

Ruihhlo a inhnamhnawih Bollywood star 25 hming Rhea-i’n a puang

June ni 14-a Bandra, Mumbai-a a chenna a inawkhluma an hmuh Bollywood star Sushant Singh Rajput thihna case kal zelah he thihnaa a mawhphurtu bera puh SSR ngaihzawng hlui Bollywood actress Rhea Chakraborty chu nimin khan Narcotic Control Bureau (NCB)-in an man ta.

Rhea hi nimin khan NCB hian a nithumna atana an hmaa inlan turin an ko leh a, thu an zawhfiah leh hnuah an man zui ta a, nimin khan medical examination tih nghal tura ruahman a ni. NCB hian Rhea an man hmain a unaupa Showik Chakraborty bakah SSR house manager Samuel Miranda leh SSR tirhkah te pawh an lo man tawh a ni.

Rhea hian NCB-in an dâwpnaah Bollywood actor bakah director leh producer thahnem tak ruihhlo lama inhnamhnawih te hming pawh a puang niin report a awm a, hetihrual hian amah ngei pawhin ruihhlo a tih ve thin thu sawiin, a ngaihzawng SSR-a’n a tihluih tir niin a sawi.

Rhea leh Showik te hian Bollywood milar ruihhloa inhnamhnawihna nei mi 25 te hming NCB hnenah hian an puang a, heng mi 25 te pawh hi NCB hian an ko thuai dawn niin report a awm a, Rhea hian hmanni lawkah Bollywood party-a ruihhlo an inpek kual vel dan te pawh a puang niin report a awm a, tun ni 10-15 vel chhungin NCB-in heng Bollywood milar te hi an ko ve leh nghal dawn a ni.

Rhea hian a hmain ruihhlo a kawl thin thu leh amahin a tih ve ngai loh thu te, a ruihhlo kawl chu SSR tana a kawl a nih thu te pawh a lo sawi tawh a, mahse, tunah chuan thudang a nei leh ta, ruihhlo pawh a tih ve thin thu leh, SSR-a’n a tih tir ve niin a sawi leh ta a ni.

Rhea hi NCB hian an man zui ta a, an kuta a awm chhunga a tanna tur pindan pawh NCB office-ah an siam zui nghal niin an sawi a, he pindan-ah hian NCB-in an kawl chhung chu a awm rih dawn a ni.

Hetihrual hian Thawhtanni kalta khan Rhea hian Mumbai Police-ah SSR farnu te pahnih Priyanka Singh leh Meetu Singh te lakah FIR a thehlut ve bawk a, heng hmeichhe pahnih te hian SSR hi doctor chawh pawh ni lovin damdawi ruihtheih an pe niin a puh a, Rhea chuan Priyanka Singh leh Delhi-a Ram Manohar Lohia Hospital-a thawk Dr Tarun Kumar leh midang te chu Sushant tana anxiety damdawi phuahchawpa chawh-ah a puh a, he FIR hi CBI chhui tura hlan chhawn a ni tawh bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy