Bollywood actor Sushant Singh Rajput thihnaa a mawhphurtu bera SSR chhungten an puh, SSR ngaihzawng hlui Rhea Chakraborty chuan SSR chhungten thu dik tawk lo hmanga statement an siam avangin khin let a tum niin report a awm.
Rhea chuan SSR chhungte hian Supreme Court leh he case chhuitu te hmaah thudik tawk lo an sawi niin tan a khawh a, a ukil Satish Manshinde chuan SSR chhungte WhatsApp chat atanga a landanin SSR-a’n mental health lamah harsatna a nei tih hi an hre ngei ni a a lan thu a sawi.
Maneshinde chuan, “Damdawi chawhna lehkha an inthawn tawn a, chuti chung chuan court leh ED hmaah dawt an sawi leh si a ni,” a ti a, Rhea Chakraborty hian SSR chhungte lakah hian dan angin hma a la ve dawn ta a ni.
Tun ni hnih kalta chhungin WhatsApp chat leak a awm a, chu chu Sushant-a manager thin Shruti Modi leh SSR farnu Nitu-te inbiakna niin an sawi a, Nitu hian SSR manager chu damdawi chawhna lehkha hi a dil a ni. Chat dang chu SSR farnu Priyanka-in damdawi chawhna lehkha Delhi-a doctor hnenah a thawnna niin, depression damdawi a ei ngei niin a lang an ti bawk.
CBI-in Charborty chhungkua an ko
CBI chuan SSR case an chhuinaah Rhea Chakraborty leh a chhungte chu a ruala thuzawh fiah atan nimin khan an ko a, a pa Indrajit Chakraborty leh a nu Sandhya Chakraborty bakah a u Showik Chakraborty te nen an ko a, a huhoin CBI hian thu an zawt fiah dawn niin report a awm.
Rhea chhungte hi CBI inkulhna DRDO guesthouse pana an chenna in atanga Mumbai Police ten an hruai lai thlalak a awm a, Chakraborty chhungkua bakah CBI hian Sushant Singh flatmate Siddarth Pithani leh manager Samuel Miranda, Shruti Modi leh Sushant-a chaw chhum Neeraj Singh leh SSR in tifaitu Keshav leh accountant Rajat Mewati te pawh thu an zawt fiah tawh a ni.
(THE AIZAWL POST – Thalaite Huang)
Full>> ePaper Subscribe
